Hapoh kine ki 17 snem ka seng HNLC ki dangap jingkyrmen ban poi haka jingsuk: Sainkupar

Shillong, Nohprah 02: Mynta ka sngi u General Secretary bad u nongai ktien ka seng lehnoh HNLC kaba la shah niew beain ha ka sorkar pdeng u bah Sainkupar Nongtrwa u la phah ia ka kyrwoh kaba u la kam ba ha dien ka jingjia ha Soo Kilo ki dkhot ka seng kila ia kren bad u Doloi jong ka Elaka Sutnga lyngba ka phone bad ha kane ka jingiakren na ka liang jong u Doloi u la kynnoh ba ia ka jingai jingbit la leh da u rangbah shnong.

Na ka liang jong u general secretary jong ka seng u la buh ia ka jingkylli ba kumno u rangbah shnong un pyniaid ia ki kam kiba heh khlem ka jingtip bad ka jingai bor u Doloi bad kane ka dei ka jingsait khuid na ka liang jong u Doloi, ha ka juh ka por la ong ba ka seng kam shym la dawa pisa na u Doloi kumba la shah kynnoh.

U bah Nongtraw u la pynkynmaw ba ha u snem 2014 ka seng HNLC kala phah shithi sha ka sorkar pdeng hynrei kam shym ioh ia ka jubab bad u pastor PBM basiawmoit u shu long tang kum u ksiang ba shipor bad ka kam ka sahteng haduh mynta.

Ha u snem 2014 ka seng HNLC ka lah pynbna da lade iaka jingsangeh ia sait ha kaba ki lah shim iaka rai ban sangeh ki jingkhynra bad ha ka juh ka por haka sngi laitluid ka ri india, ka seng ka khlem khot pakhang shnong ruh bad ia kane ki lad pathai ruh ki lah ju sakhi teng.

Ha u snem 2019 ngi lah dep iakren bad uwei u myntri haka sorkar MDA daka jingtip u Myntri Rangbah  hynrei kata ruh kim lah ban leh eiei, ka jingkam u myntri kam poh iing u bah Rymbui ba ki bun ki lat ka dei tang ka kam thok suda haba tang iaka ILP kaba lah dep iamynjur ha Assembly ruh ka sorkar MDA kam lah ban shna lynti ban pynurlong.

Hapoh kine ki 17 snem ba ki dangap jingkyrmen ban poi haka jingsuk na bynta ba kin ioh ban iakren iaki mat kiba donkam iaka Jaidbynriew bad ka thie ka sorkar na Delhi hynrei ki sengbhalang,ki riewpaidbah ki hap ban mad shi mad iaka patok,ki lathi, ki kuli na ktang suloi ka Sorkar ban iakhun iaki jingeh bad ki hok ka jaidbynriew.

Ka Seng ka krenshai ba ka jingsuk ba ngi kwah kam mut daka jingpyndem ne na bynta ka song pisa hynrei ngi kwah ba kan don ka jingweng iaki jingeh haka sain hima kaba lah sahteng naduh u snem 1947 hadien ba ka sorkar phareng ka lah leitphai noh. La ong u bah Sainkupar Nongtraw ha ka kyrwoh bala phah sha ki lat pathai khubor mynta ka sngi.

What Next?

Recent Articles

Leave a Reply

Submit Comment

*