Shillong, Nailar 20: U Myntri ka tnad ka koit ka khiah jong ka jylla u bah AL Hek mynta ka sngi u la iathuh ba ha kine ki 24 kynta la test COVID-19 positive haduh 126 ngut ha ka jylla baroh kawei bad ha East Khasi Hills ki long 106 ngut. West Garo Hills 12, Ri Bhoi 6, East Jaintia Hills 1, West Jaintia Hills 1.
Kiba la test COVID-19 positive ha East Khasi Hills ki long 106 ngut, na kine 41 ngut ki dei na ki kynhun shipai, 16 BSF, 3 BSF. Katba ki riew paidbah pat 11 na Khlieh Iewduh, 10 ngut na Motphran, 13 ngut na Anjalee, 5 na Khyndailad, 1 ba leit ban shim dawai na RP Hospital, 5 ngut ki nongtrei ka Ganesh Das Hospital bad 1 na Rilbong.
West Garo Hills 12 ngut, 10 ki BSF, 2 na Tikrikila, East Jaintia Hills ba wan phai na sha bar ka jylla, 6 ngut ha Ri Bhoi, 5 ngut ki dei kiba wan phai bad u wei dei ba don jingiajan bad u ba don ia ka jingpang COVID-19.
Kiba shitom ha ka jylla baroh kawei ki long 925 ngut, East Khasi Hills 517 , Ri Bhoi 101, West Khasi Hills 3,South West Khasi Hill 1,West Jaintia Hills 5,East Jaintia Hills 8, West Garo Hills 219,East Garo Hills uwei ,South Garo Hills 2,North Garo Hills 6 bad South West Garo Hill District 4.
Kiba la koit baroh haduh mynta ka sngi ki long 730 ngut, ki nongmuna kiba la shim ha duh mynta ka sngi ki long 45151, kiba la test Negative 43020 tylli bad ki resolt kiba dang ap ki long 470 tylli.
