Shillong, Naitung 27: U National president jong ka seng National People’s Party (NPP) u Conrad Sangma MP jong ka tura u la leit rah ia ka mat jingiakren hapoh parliament halor ka jingeh ba ki Regional Vocational Training Institute (RVTI) ha ka Ri baroh kawei bad khamtam eh kaba don ha Tura ia kaba la plie ha ka por ba u P A Sangma u la plie ha ka jinglong myntri jong u ha ka sorkar pdeng.
Ha ka jingkren jong u MP ka Tura hapoh Parliament u la ong ba kine ki jaka ai jinghikai kiba kyrpang ia kiba la tip kum ki RVTI, ki ia kynduh bun ki jingeh ha kiba bun ki liang, bad haba phai ia kaba don na Tura kane ka jaka ai jinghikai kam don wat tang ia u principal ba pura jong ka ha kine ki khyndait snem. La ong ba wat ki nonghikai ruh ki duna bad ia kine ki jaka ai jinghikai ym shym la peit bha ha kine ki khyndait snem.
La iathuh hapoh parliament ba ha kine ki khyndait bnai ba la leit na ka liang jong ki nongpyniaid ia ka RVTI kila ia kynduh ia u kum u MP jong katei ka jaka ba don kane ka jaka ai jinghikai bad kila pynsngew ha u ia bun ki jingeh kaba ki ia kynduh.
Ha halor kane ka jingkren jong u Conrad Sangma na ka liang jong u myntri ka sorkar pdeng ba dei peit ia la ministry labour u la ong ba ka sorkar ka la tip ia kine ki jingeh baroh bad na ka liang jong ka sorkar. Na ka liang jong u myntri u la ai ka jingkular bay n sa pynbeit ia kane ka jingeh kaba don hapoh kine ki jaka ai jinghikai kloilan.
