Shillong, Naiwieng 24: Mynta ka sngi kala don ka jingiakynduh hapdeng ki nongkyrshan jong u Dr DD Lapang kiba na Ri Bhi District ha iing sah jong u ha Shillong ha kaba kala don ka jingiakren ban ia sngewthuh la u ne u nongialam ba rangbah duh jong ka seng Congress un dang iaileh Elekshon MLA ne un sangeh noh.
Kane ka jingkren ka long halor ki khubor kiba la mih ha kine ki bnai kiba la dep ba ong ba u Dr Lapang MLA jong ka Nongpoh yn nym ia lehshuh, bad don pat ki khubor kiba la mih ba un dang ia leh ia ka MLA Elekshon ka kaban long ha u snem 2018 sdang snem. Kine ki khubor kila pynklumar ia ki nongkit kam jong ka seng Congress ha Nongpoh Constituency.
Ki thymmei khubor kiba u SP News Agency u la ioh, la ong ba mynta ka sngi kala don ia jingiakren ha pdeng ki nongkit kam jong ka seng Congress na NBCC bad u Dr DD Lapang ha iing bad ha dien kane ka jingiamir jingmut la sngewthuh ba u Dr Lapang u la pan por shitaiew ba un ai ia ka rai la un dang ia ialeh ia ka Elekshon MLA ha u snem 2018 ne un sangehnoh.
Kane ka jingiakren kaba la long mynta ka sngi ka long ba ki paidbah nongkyrshan jong ka seng Congress na ka Nongpoh Constituency kila kwah ban shai halor ki jingmih khubor. Ki nongkyrshan ki kwah ban ioh ia ka jingshai kaba thikna na u Dr Lapang u MLA jong ki ba un ai ia ka rai la un dang ialeh ia ka MLA Elekshon ne un sangeh noh.
