New Delhi, Nohprah 30: Kano kano ka jingiakren shaphang ka jingai jinghikai a ki kam lane ka jingioh jinghikai na kito kiba la tbit ha ka kam ha India ka wanrah beit ia ka jingpyniasyriem bad ka Germany bad kiwei kiwei ki ri ba la kiew ka ioh ka kot.
Ka kam apprenticeship, don kiba ong, ka dei ka daw jong ka jingduna ka jing bym ioh kam bad ka jinglah pynmih mar shuh shuh kito kiba trei ha ki kam karkhana ha kum kitei ki ri ba la kiew ka ioh ka kot.
Wat ha ki ri ba dang kiew ka ioh ka kot kum ka India, ka jingwadbniah ba la pynlong da ka Dalberg na ka bynta ka DFID (kaba long mynta ka FCDO) ha u Lber 2020 ka la ong ba ka jingmyntoi bad ka jinglut ka long 1.3 haduh 1.9 na ka bynta ki nongai kam bapher bapher.
Kumta ka long kaba mynjur lang ba ka apprenticeship kaba long ruh ka jingioh jingpyntbit ha ka por ba dang hikai ia ka kam, ka dei ka lynti kaba biang tam na ka bynta ka jingiaid na ka jingpule sha ka jingtrei ia ka kam.
Hooid ka long kaba dei ba haba ianujor bad ka 4% ki nongtrei ha Germany bad 1.7% ha UK, ka India ka don tang 0.1% ki nongtrei kiba long ki apprentice. Bun na kane ka dei namar ki kam shimet ha India.
Na ki 466 million ngut ki nongtrei (PLFS 2017-18), kumba 375 million lane 80.47% ki dei ba la antad ba trei ha ki kam kiba pyniaid da ki briew ne ki kynhun shimet. Shuh shuh, ka ioh ka kot kaba iadei bad ka jingsaindur bad ki kam kiba iadei bad ki sap ki long kiba bun bha ha kine ki jait kam shimet.
Wat hapdeng kumba 90 million ki briew kiba trei ha ki kam ba la ithuh ha India ruh, duna palat 20 million kito kiba don ha ki jaka trei kiba don 30 ne palat ki nongai kam. Katba dang heh ka jaka trei, katta dang lah ban ai jaka ia ki shah hikai ne ki apprentice.
Ha Germany, kum ban shu kdew, 21.7% na ki 2.1 million tylli ki kompani ki don kumnokumno 10 ngut ki nongtrei1. Kumba 20.3% jong baroh ki kompani ki ailad ia ki shah hikai ha Germany, bad kane ka kiew na ka ~12% ha ki jaka trei kiba don 1-9 ngut ki nongtrei sha ka 81.3% ha ki jaka trei kiba don palat 500 ngut ki nongtrei.
Ha India ka jinglong ha kaba iadei bad ki jaka trei (lane ki jaka trei kiba hap hapoh ka Apprentices Act, 1961) kiba don palat 9 ngut ki nongtrei ka long tang 1.4% na ki 5.85 klur tylli ki jaka trei[1]. Ki jaka trei ba ritbha ki shem jingeh bha ban bei tyngka ha ka jingkyntiew sap ia ki nongtrei bad ruh ha ki kam apprenticeship.
Ha ryngkat ka rukom long jong ka ioh ka kot, ka jingsngew jong ki briew shaphang ka apprenticeship ruh ka long kaba donkam. Don kiba mut ba ka apprenticeship ka long shi bynta jong ka jingioh jinghikai ki samla ha Germany katba ha UK ka long ka jingioh jingsiew ha ryngkat ka jinghikai kaba ha ki ri ba dang kiew ka ioh ka kot, ka long ka jingpynthikna ioh nongbylla ha ka dor kaba jem.
Ka stipend ba ai ia ki apprentice ka long 20-50% jong ki jingsiew ia ki nongbylla ba la tbit ha Austria, Denmark, Germany, Switzerland bad kiwei kiwei ki ri kaba ktah bha ia ka jingmyntoi ia ki apprentice.
Ha India, ka stipend jong ki apprentice ka long kumba 80% jong ka jingsiew ba ioh ki semi-skilled labour (jingantad ILO), kaba pyni ba khamtamna ka bynta ki MSME kiba don ka bynta kaba heh ha ka ioh ka kot, ki jingmyntoi kiba wan na ka jingthung apprentice kam da heh. Shuh shuh, ki jinglut jingsep ban buh ia ki apprentice ha India ka long kaba kham bun.
Wat hapdeng kine ki jingeh baroh, ka jingdon ki apprentice ha India ka la kiewna ka 0.9 lak ha u 2014-15 sha palat 5 lak ha u 2021-22. Ka dei hadien ba la peit ia ka jinglong jong ka ioh ka kot ha India kumba la pyni halor bangi donkam ban kyntiew ia ki lad apprenticeship ha India sha ka 10 lakh shuwa ia ka jingkut u snem 2022, bad sha ka 60 lakshuwa u snem 2026.
Kumno ban kyntiew ia ka jinglah pyntreikam ki jaka trei ha ka jingpeit ia ka apprenticeship ka dei ka kam kaba kham suk ban pyniaid. Ka Sorkar ka bah lang ia ka bai stipend bad ki jaka trei haduh 25% lane T. 1, 500 ia man u apprentice hapoh ka National Apprenticeship Promotion Scheme (NAPS).
Ka tnat Skill Development and Entrepreneurship (MSDE) ka la weng ia ka jinghapleit mih hi ban jingiarap bad ka la plié lad ia ka kam online lyngba ka rynsan apprenticeship ban pynduna ia ka jingpynslem ha ka jingpynphai bai stipend sha ki jaka trei.
Kane ka jingkyrshan ha ka stipend ka dei kaba thmu ban ai beitbeit sha ki apprentice lyngba ka DBT ban tehlakamia ki jingsepei pisa. Ban pynduna shuh shuhia ki jinglut jingsep jong ki jaka trei, ki jaka trei kiba treikam ha baroh kawei ka ri kin lah ban iasoh bad kawei ka kynhun apprenticeship/ jaka ai jingpyntbit ha ka jylla.
Ka jingiasamia ka data hapdeng ki skhim apprenticeship ka dei kaba la kyrmen ban pynsuk shuh shuh ia ka kam thep kyrteng na ka bynta ki jaka trei. Ha kaba iadei bad ka jingpynryntihia ki jinghikai, ia ki jinghikai bym iaid kam shuh la weng noh bad la pynryntih ia ka por ai jinghikai ia ki apprentice (ha ryngkat ki lad ban kot sha ki jingdonkam jong ki jaka trei bad ki kam).
Ka jingpynryntihia ki jingai jinghikai bad ka jingpynsuk ia ki kam bapher bapher, ha ryngkat ka jingai jingmynjur ia ki jaka trei ba kin saindur hi ia ki jingai jinghikai katkum ki jingdonkam jong ki, ki dei kiwei kiwei ki sienjam ba la shim ban pynsuk ia ki jaka trei ba kin thung shuh shuh ia ki apprentice.
Katba ka jingsuk ban trei ha ki kam khaii kan iarap, kaba sah mynta ka long kumno ban kyntiew ia ka jingkordor ia ka apprenticeship ha ka ri. Ka long kaba donkam ban pdiang ia ka apprenticeship ha ki kam ai jinghikai bad ban buh ia ki lad na ka jingai jinghikai sha ki jingpule ba kham halor.
Kane kan long ba ka jingai jinghikai kan ioh ia ka burom kaba ka dei ban ioh na ka bynta ka jingkyntiew ia ka jinglah ioh kam ki samla. Ban pynurlongia kane ka jingthmu, dei ban buh ia ki jingithuh haba pyndep ia ka jinghikai bad ka jingpeit ia kane ha ka National Credit Framework ba thymmai khnang ba kan long kaba ai jingmyntoi ban leh ia kane ha ka jingbeh ia ka jingnang jingstad.
Shuh shuh, la ai jingmut ban thepia ki apprenticeship bad ki internship ha ki jingai jinghikai ha ki skul ha ka kyrdan post-secondary. Ki jingpule kiba kham halor ruh ki dang khreh ban pyniar ia ki prokram degree kiba don ka apprenticeship katkum ki kyndon ka UGC.
Ha kaba khatduh, ban iaidshakhmat ha kanokano ka polisi paidbah, kito kiba don bynta ha ka kam ki dei ban long kiba iohbor. Ka jingai jingtip kaba heh ha kylleng ka ri ka dei kaba la sdang lyngba ki prokram ban kyntiew ia ki kam apprenticeship ha palat 250 tylli ki distrik baroh shi snem. Ka helpline ka dei kaba la kyrmen ban ai jingjubabia ki jingkylli jong ki jaka trei bad kito kiba kwah long apprentice.
Katba ngi dang trei ha kine ki mat ba la kdew halor ban pynlong ia ki kam jingai jinghikai kiba ai jingmyntoi ia ki shah hikai bad ki jaka trei khnang ba kane ka kam kan suhthied ha ka ioh ka kot jong ka India, ka long kaba donkam ba ka kam apprenticeship kam kylla sha ka lad ban ioh nongtrei ha ka dor kaba jem.
Baroh ki kam kiba iadei bad ka jingpyntbit kim lah ban hap hapoh ka jingai jinghikai. Ka apprenticeship ka dei ka kontrak ba la thoh shai hapdeng u nongaikam bad u apprentice; ha kaba ka jingsiew ka long kumba dei ban ai; ha kaba don ka jingai jinghikai ia u apprentice kaba kynthup ia ka por ba ym don jingioh jingmyntoi ka jaka trei.
Ka jingialam lynti kaba skhem, bad ka jingpeit ia ka jingioh jingstad u shah hikai.Ka jingmyntoi jong ka apprenticeship ia ki nongai kam ka dei ban wan na ka jinglah pynmih mar shuh shuh, bad ka jingduna ha ka jinglut jingsep ha ka jingthung kam. Na ka bynta ki shah hikai, ka dei ka jingioh jingnang jingstad ha ka por ba trei ha ryngkat ka stipend ba don burom bad ka lad ban shah thung kam pura.
Kumta ki jingmyntoi jong ka jingkiew ka apprenticeship ki dei ban poi sha baroh kiba iadonbynt ha kane ka kam, u apprentice, ka jaka trei bad ka ioh ka kot baroh kawei na ka bynta ka roi ka par kaba lah ban iaineh, ia kane la thoh da u La thoh da u: Atul Kumar Tiwari, Secretary, ka tnat Skill Development and Entrepreneurship.
