Jowai, Naitung 03: Ka jingkylli mynta ka long hato ka jingtei ia ka Iawmusiang Super Market Complex da ka Jaintia Hills Autonomous District Council (JHADC) kala dep?.
Ka minister DoNER kala bei pisa ia ka JHADC na ka bynta ban tei ia ka super market hapoh Iawmusiang kaba hap hapoh ka jingpeit jong ka JHADC bad ka jingtrei kala iaid bad ha tmu jong kane ka iew mynta la shna da ki sem iew tap shiliang.
Ha ka jinglap jong u SP News Agency, la shem ba na ka liang jong ka JHADC hatnum jong kane ka Super Market Complex kala shna ia ki sem iew da kaba tap tin shiliang bad bun na kine ki dukan iew ki long thylli namar ba ym idon ba shong dukan ha kine ki sem iew.
Ka jingshna ia kine ki sem iew ka long mar shiteng jong ka thnum jong ka tei ka super market jong ka JHADC kaba don ha khmat ophis jong ka ophis. Kiba bun na ki paidbah ki buh ka jingkylli hato iakane ka ka super Market Complex la dep shna ne em kumba la buh hapoh jong ka Detail Project Report.
