Shillong, Jymmang 24: U Bah Adelbert Nongrum MDC jong ka Jaiaw Constituency, u ba dei ruh u working president jong ka seng KHNAM u buh ia ka jingkylli hato ka jingtyrwa jong u bah HS Shylla ban ia tylli ki seng riewlum kan long tang ha ka por election.
Haba kren ha ki lad pathai khubor mynta ka jan miet ha Shillong press club, na ka liang jong u Bah Nongrum, u la ong ba kai kaba u bah Shylla u ong ka long kaba dei ba dei ban don ka jingiatreilang bad ka jingiatylli hapdeng ki seng riewlum khlem da khylliap ia ki lama jong ki party.
U Bah Adelbert u la ong ba u kwah ban don ka jingiatreilang hapdeng ki sengriew lum khlem da ia snoh kti lang bad ka NEDA, dei ban ia trei lang para seng riewlum hapoh ka jylla Meghalaya.
Ha kane ka sngi na kaliang jong ka KHNAM kala pynbna ba kan pynieng ia u Bah Toiler H.S Bonney IFS (Retd) kum u ban iakhun ia ka MP election 2019 na ka 1-Shillong parliament Constituency bad la kyrpad ia ki para seng riewlum ba kin ai ka jingkyrshan ia u ne u kyrtong.