Shillong, Lber 16: ha dien ba ka iing dorbar kala ia shong biang ha ka sien kaba ar, u MLA jong ka Ranikor u Martin M Danggo u la kwah ban tip, ha kaba u la kylli hato ia kane kot kaba la kren da u Lat jong ka jylla hapoh iing dorbar kan long kaba la pynkylla.
Haba ia dei bad kane ka jingkylli na ka liang jong u shongknor jong ka iing dorbar u Dr Donkupar Roy u la ong ba “Hooid, kane ka kot ka dei kaba la pynkylla ia ka jingkren jong u lat hapoh ka iing dorbar.
Ha ka por mynstep mar ia sdang ka jingiashong dorbar shuwa ban wan ai jingkren u Lat ka jylla hapoh ka iing dorbar u MLA jong ka Mawlai, u Bah Process T Sawkmie u la kylli hato ka dei shisha kumba paw ha ka kot khubor ba u Lat ka jylla un kren da ka ktien Hindi hapoh iing dorbar.
