Hiar ka Block Jirang ha kaba pyntrei kam ia ka skhim MGNREGS ha ki snem ba la leit: Conrad

Shillong, Nailar 23: U myntri rangbah jong ka jylla u Conrad K Sangma ha ka sngi palei u la leit ban jngoh ia ka Blok Jirang, kum shi bynta na ka jingtrei kam ban leit jngoh ia ki blok hapoh ka jylla bad mynta ka kynti u la leit ban jngoh ia ka Blok Jirang u na kawei ka blok sha kawei pat.

U myntri rangbah u la ong ba ia kane ka jingleit ban jngoh da u myntri rangbah kawei ha dien jong kawei pat ka blok kan beteng na ka bynta kine ki ar snem ban dang wan. Kane ka jingleit jngoh ia ka blok Jirang ka long ka jingsdang ia ka “Block to Block programme” kaba u myntri rangbah leit ban jngoh.

Haba kren ha ka jingialang paidbah kaba la pynlong ha Jirang, u myntri rangbah ka jylla u Conrad K Sangma u la ong ba ka jingpyntrei kam “Block to Block programme” ka long ban sngewthuh ia ki jingpyntrei kam ia ki skhim jong ka sorkar bad ban sngewthuh ia ki jingleh kiba ia kynduh bad kane ka long ban ioh ia ka jingtip kaba long beit na ki paidbah.

U Myntri Rangbah ka jylla u la ong ba dei tang da ka jingleit jngoh hi ia ki nongkyndong yn lah ban sngewthuh ia ki jingeh jong ki nongkyndong bad kane kan pynlong ia ka sorkar ba ka lah ban wanrah ia ki lad trei kam kiba thymmai ban weng ia ki jingeh jong ki paidbah.

U myntri rangbah  u kyndtu ia ki nongmih khmat paidbah ba kin leit sha ki nongkyndong sha ki shnong ki thaw ban ia kynduh ia ki paidbah ban sngewthuh ia ka jingeh ka jong ki bad ban wad lad kumno ban shna ia ki skhim katkum ka jingdon kam jong ki paidbah ha ki nongkyndong.

Ha kane ka jingialang paidbah ha Jirang na ka liang jong u myntri rangbah u la kdew ba ka jingpyntrei kam ia ka skhim MGNREGS ka long kaba duna ha kine ki snem kiba la leit noh. U myntri rangbah u la kyntu ba ki ophisar kiba dei hapoh jong ka Blok ba kin shimkhia ia kane namar ka jingmyntoi ka long ia ki paidbah ka thain.

Ha kane ka jingleit jong u myntri rangbah sha Blok Jirang, la synran lang ia u da u MLA jong kane ka jaka u Bah Sosthenes Sohtun u Commissioner bad Secretary, C & RD department, P Sampat Kumar. Ha kane ka jingleit u myntri rangbah u la leit jngoh ia ka shnong  Nongsier bad Umlakro bad u la ia kren ha kaba pyntrei kam ia ki skhim  MGNREGA, PMAY, JSA  bad CLLMP skhim.

 

 

 

What Next?

Recent Articles

Leave a Reply

Submit Comment

*