Shillong, Lber 04: U Bah Vincent H Pala MP jong ka Shillong u la ong ba ka jinghiar jong ka Congress ha JHADC na ka daw jong ka jingphet ki nongialam ka party naduh kane ka MLA ilekshon ba la dep wat ha kane ka MDC ruh kum juh.
Haba kren ha ki lad pathai khubor mynta ka sngi ha Congress Bhavan Shillong, u Bah Pala u la ong ban hikai ia ki briew ban long nongialam ka shimpor bad ki nongialam bala hikai kila mih noh na ka seng Congress, kum u Bah Lahkmen Rymbui, Comingone Ymbon, bah Sniawbhalang Dhar.
U la pynpaw ruh ia ka jingkmen ba ki saw ngut ki MDC jong ka seng Congress kiba la jop ha kane ka MDC kaba mynta ki dei ki MDC kiba la ianeh hapoh ka seng bad kiba la jop ar lai sien, u kyrmen ba ha ki snem ban wan kin sa jop biang kumba long ha ki por ba la leit. La iathuh ba ha u 2014 kila jop 19 ngut.
Kaba sngewtynnad ka long ba ka party wat hapdeng ki jingeh kiba ka iakynduh mynta kala sdang ban suh thied biang ha West Khasi Hills ha kaba kila jop saw jaka, kane ka kren shai ba ka jinglong nongialam kala sdang shong tynrai bad ka party mynta kala jop biang.
Haba phai sha Ri Bhoi ruh kumjuh ka party kala jop ar ngut ki MDC.Na ka liang jong ka party Congress ka ai khublei ia baroh ki paidbah kiba la ai ka jingkyrshan ia ka party ha kane ka MDC ba mynta.
