Shillong, Lber 19: ka kong Anita Roy kala hikai kumno ban shet ia ki jhur kiba mih na ka mariang kiba long ban bam ia kane ka jinghikai la ai kyrpang tang ia ki ar tylli ki shnongjong ka Ri Bhoi District ka shnong Nongtraw bad Klew ha ophis jong ka NESFA.
Kane ka jinghikai ka long ban hikai ba kumno ki jingbam tynrai kiba ka mariang ka ai ki don ia ki betamin kiba khlain bad kumno ki tei ia ka met bad kane ka jinghikai ka long ban pynsngewthuh ia ki briew ba ki jhur ki dei ki jingbam ba tei met.
Ka kong Anita Roy, ka dei ruh ka dkhot jong ka NEFAS kala pyni ba kumno ia kine ki briew kiba la wan na kitei ki ar tylli ki shnong bad ha ka juh ka por kine ki briew jong kitei ki ar tylli ki shnong kila pyni ruh ia ka rukom shet jong ki kaba ki pyndon kam man ka sngi ha shnong ha thaw.
Kiba la leit ban ia shim bynta ha kane ka jinghikai shet ki long ka kong Platina Mujai ka trai jong ka Mei Ramew Café, ka kong Pliemon Barim kaba juh shet jingshet hapoh jong ka ICDS ha khweng, ka kong Tharaina Riahtam kaba shet ja sngi ia ki khynnah skul ha Nongtraw bad ka kong Barilin Ranee kaba pynshlur ia kane ka rukom shet.
Kumba ka long kane ka dong ka thain shatei lam mih ngi jong ka Ri India ka don ia ki jhur kiba mih na ki khlaw bad ki briew ki juh pyndon kam ia ki ha ka shet jyntah bad la juh die ruh ia ki ha ki iew ki hat kiba ha jan bad kane ka iarap ruh ban nym shah niah ha ki jhur kiba wan ha iew ha hat, la ong ka kong Pius Ranee dkhot jong ka NEFAS.
