Shillong, Kyllalyngkot 15: U Chief Secretary jong ka jylla Meghalaya mynta ka sngi u la pynmih ia ka hukum, katkum ka jingbethah jong ka iing bishar kaba ha khlieh duh jong ka Ri India, ka Supreme Court , la bethah ba dei ban sangeh noh mardor ia ka jingkit ia u dewiong na kane ka jylla Meghalaya.
U Chief Secretary jong ka jylla u la ong ba ia kane ka hukum la pyntip sha u da u Advocate General jong ka sorkar jylla, katkum ka rai jong ka iing bishar kaba ha khliehduh jong ka Ri India ka Supreme Court kaba la shong bishar mynta ka sngi ka 15/01/2019.
La bethah ia baroh ki bor ba dei peit ba ki dei ban but ia kane ka hukum jong ka iing bishar ba ha khlieh duh jong ka Ri India ka Supreme Court khlem da pynkhien ia ka, la ong u Chief Secretary ha ka hukum kaba la pynmih mynta ka sngi.
