Shillong, Jymmang 23: Ia ka hall kaba thymmai kaba dang shu dep ban shna hapoh jong ka Army Public School Shillong la plie mynta ka sngi daka Mrs Pia Ahuja, Zonal President AWWA. Ia kane ka hall la ai nam ha ka kyrteng jong u Major David Manlun , Kirti Chakra bam kwai ha dwar u blei’.
U Major David u la aiti iala ka jong ka jingim ha ka jingiakhun pyrshah ia ki lehnoh ULFA bad NSCN(K) ha Nagaland ha u bnai Jylliew 2017. U Major David u la dei ruh u khynnah skul ba rim jong ka APS ha kaba u la pyndep ia ka Class XII na katei ka skul ha u snem 2003.
Ha kane ka sngi kala don ruh ka jingiakop ban pyniia ka jingstad ha ka saian na ka liang jong ki skul bapher bapher jong kane ka nongbah Shillong. Ia ka jingpyni nam ‘Bio Diesel” kaba dei kawei pat ka lat ban ioh ia ka umphniang la pyni da ka skul Loreto Convent School kaba la ioh rah ruh ia ka khusnam kaba nyngkong.
Ia ka jingpymeh ia ki ‘Automatic Street Light’ la pyni da ka St Mary’s Higher Secondary School kaba la wan ba ar ha kane ka jingiakop bad ia ka jingpyninam kaba la ai kyrteng ‘A Mother’s Delight – Thank you Science and Technology’ projected’ la pyni da ka Army Public School Happy Valley kaba la wan b alai ha kane ka jingiakop ha ka kyrdan Group ‘A’.
Katba ia ka jingpyni nam ‘Lack of Energy? No issue!’ la pyni da kaba Laban Bengalee Boys’ H. Sec School, kaba la wan sha khmat ha ka jingiakop, ka jingpynher ia ka ‘Flying Drone’ la pyni da ka Gorkha Pathshala HS School kaba la wan ba ar bad ia ka ‘Smart City with Tesla’ la pyni da ka Army Public School Shillong kaba la wan b alai ha kane ka jingiakop.
