Shillong, Naiwieng 22: U bah PS Dkhar Deputy Commissioner jong ka East Khasi Hills District,u la ong ba ia ka hukum ban bat shuwa ia ki reslot jong ki khynnah kiba khlem pyndih ia ka dawai Measles Rubella ka long ba duna palat.
Haba kren ha u SP News Agency na ka liang jong u bah Dkhar, u la ong ba kane ka hukum ka dei kaba la pynmih na ka ophis jong u bad ka daw ka long ba la duna palat ka jingpynmih ia ka dawai Measles Rubella.
U la ong ba un sa khot ia ka jingialang ia ki doktor kiba dei peit ha kaba ia dei bad kane ka kam ban wad ia ka daw balei ka duna haduh katne bad ha dien kata yn sa lah ban shim ia ka rai, la ong u bah Dkhar Deputy Commissioner jong ka East Khasi Hills District.
