Shillong, Nailar 13: U Deputy Chief Miniter u Bah Prestone Tynsong mynta ka sngi u la iathuh ba shen ka jingialang jong ka Meghalaya Democratic Alliance (MDA) kan sa ia shong ban ia kren halor ka kam ilekshon shiteng samoi ha Shella bad kum juh ia ka kam Speaker kaba la thylli mynta da ka jingkhlad noh jong u Dr Donkupar Roy bam kwai ha dwar u blei.
Haba kren ha ki lad pathai khubor na ka liang jong u Bah Prestone u nongialam jong ka NPP u la ong ba kam shym don kata ka jingiakut ba ia ka kam speaker kan long beit bad ka UDP, hynrei ha ka por ba thaw ia ka sorkar MDA, u Dr Donkupar bam kwai ha dwar u blei u la ong bay n shimti ma u kum u speaker bad ia kane la ia pdiang lang.
Haba jubab ia ki jingkylli halor ka jingkam jong ka UDP kumba kala mih ha ki lad pathai khubor ba ka dei ka bynta jong ka UDP ban ioh ia ka kam speaker u la ong ba ia ka kam speaker kam dei ka rai ka UDP marwei, hynrei ka shong ha ka jingiamynjur lang hapoh jong ka MDA.
Ia kane ka kam kim sa ia kren hapoh jong ka sorkar MDA ban jied ia u briew ban long u Speaker, ka shong ha ka jingiamon lang hapoh jong ka sorkar MDA ban kam ba ka dei jong kawei ka party kam dei hynrei hap ban ia kren lang hapoh ka MDA ban ia mynjur lang.
Haba ia dei bad ka Ilekshon ka shong ha ki party namar ha ka sorkar MDA ki don bun tylli ki party kiba don la ka jong ka jong ka rukom trei kam, ban ong ban don ia u kyrtong ban ia mon lang haduh mynta kim pat don ka jingiakren kaba kum kata, ka jingialang jong ka MDA kan dang ia kynduh ban ia kren ia kane ka phang ruh.
