Ia ka kam Speaker yn sa ia shong ban ia kren ha ka kynhun MDA: Conrad

Shillong, Nailar 14: U Chairman jong ka sorkar Meghalaya Democratic Alliance (MDA) u Conrad K Sangma ub a dei ruh u myntri rangbah ka jylla u la ong ba ia ka kam speaker kin sa ia shong ban ia kren hapoh ka kynhun MDA.

Haba kren ha ki lad pathai khubor mynta ka sngi, u la ong ba kum ka kynhun MDA ki don hynriew tylli ki seng sain pyrthei ha kaba ki hap ban ia kren lang baroh ym ban shim tang kawei ka seng sain pyrthei.

Haba ia dei bad ka jingkam jong ka UDP, na ka liang jong myntri rangbah u la ong ba kane ka dei ka jingsngew ka jong ki bad ka dei ka hok ka jong ki ba ki dei ban pynpaw, bad u Deputy Chief Minister ruh u la pynsngew ia ka jingsngew ka jong u ia kaei kaba don ban ong.

Hynrei kum ka MDA kim dang hap ban ia shong bad ia kane ka jingialang kin khot ha dien kane ka jingleh burom ia ka sngi lait luid jong ka Ri. U myntri rangbah u la ong ba ia ka kam speaker kin sa ia kren hapoh ka MDA.

What Next?

Recent Articles

Leave a Reply

Submit Comment

*