Ia ka Mawlai Bye Pass yn plie la sngi Saitjain, kane ka surok kan long shuwa shilynti

Shillong, Nailar 13: U myntri rangbah jong ka jylla u Conrad K Sangma yn plie paidbah ia ka surok Mawlai Bye Pass ha ka sngi saitjain ban wan ia kane ka rai la shim ia ka jingialang ha pdeng ki heh jong ka PWD bad u myntri ba dei peit u bah Prestone Tynsong.

Na ka liang jong u Bah Tynsong u la iathuh ba na ka liang jong ki pulit kila ai jingmut ba ia mynta kane ka surok kan long shuwa tang shilynti, kata ka long shah tang ban rung na Mawlai Mawiong jan STBT na Mawiong. La ong ba da ka jingplie ia kane ka surok kan iarap ban pynduna ia ka jingsah kut kali ha Mawlai 30% ei ei.

La iathuh ruh ba ka tnad PWD kala dep ban ai kontrak ban shna ia ka surok na Mawtawar sha Mawlai Mawroh jan PTS ban pynheh ia kane ka surok bad la buh ia ka thong ban pyndep ia kane ka jingtrei ha u bnai Lber 2020.

Haba ia dei bad ka Police Out post kaba don kam ha Mawlai Mawroh lynti Mawtawar kan sdang trei kam noh mardor katba ia ka iing jong ki pulit yn dang shna pynbha kane ka long ban sdang noh ia ka jingtrei kam la ong u Bah Prestone.

 

What Next?

Recent Articles

Leave a Reply

Submit Comment

*