Shillong, Nohprah 08: Ka Meghalaya EMRI Workers Union 108 (MEMRIWU) ka EMRI 108 Meghalaya ka la seng ia ka union dangshen bad la registered ruh ha ka Trade Union Act, 1926 bad u Registered No 177, Meghalaya.
Ka jingthmu jong ki nongtrei hapoh ka EMRI ban seng ia ka union ka long ha ka nongrim ba ki baheh bad kiba halor kim dei ban shim kabu ne ban bein ia ki nongtrei kiba trei na ka bynta ka jingeh u paidbah.
Ki nongniah kali bad EMT ban kham pynjanai bad ban shakri kham bha ia u paidbah uba donkam ia ka jingiarap jong ki nongtrei 108 kila seng ia kane union kum ka kynhun ban wanrah ban kham pynjan shuh shuh ia ka jingiadei hapdeng jong ki nongtri ka EMRI108 bad ki paidbah kiba donkam ka jingiarap.
Ka Union ka sngew ba dei lyngba ka jingkyrshan jong ki paidbah ba ki lah ban trei bad ban shakri khamtam ia kito ki briew kiba duna ha ka ioh ka kot. Ka union ka ngeit bad ka kyrmen ban iasnoh kti lang bad ka Union khnang ban wanrah ia ka jingmyntoi jong uba bun balang. La ong u Bah J Pyngrope ha ka kyrwoh.
