Ia ka Omed Memorial SS yn kyntiew sha ka Higher Secondary kaba don ha shnong Rajasimla

Shillong, Rymphang 22: U Myntri Rangbah ka jylla u Conrad K Sangma mynta ka sngi u la plie ia ka iing skuk kaba dang dep shna thymmai jong ka Omed memorial secondary School ha ka shnong Rajasimla kaba don ha North Garo Hills District, ha ka jingiadon lang u MLA kane ka jaka u Rupert Momin.

Ia kane ka skul la tei ha u snem 1969 bad la ai kyrteng Omed Memorial Secondary School, kane ka skul la seng ban kynmaw burom ia u Garo ba nyngkong ban but sha ka niam khristan, ia kane ka skul ka seng da ki nongshong shnong ha rud ka wah Rongdal-Rongkil, ia kane ka skul la plie ha u snem 1971.

Ha kaba por ba sdang la ai ia ka jingiarap na ka sorkar bad ha u snem 1974 la pynrung ia kane ka skul sha ka Deficit ha u snem 1983 bad na ka liang jong ki bor ba pyniaid ia kane ka skul kila kut jingmut ban kyntiew ia kane ka skul sha ka Higher secondary ha kane ka snem ba mynta.

Haba plie ia kane ka iing skul kaba thymmai u myntri rangbah ka jyllau Cornad K Sangma u la ai khublei ia ka ADB kaba la bei pisa ban pynioh ia kane ka iing skul kumba ka long, ia kaba la ioh ban plie mynta ka sngi.

U Myntri Rangbah la ong ba ka sorkar ka kwah ban kyntiew iaka rukom hikai ban kham pynbha shuh shuh ban leh ia kane don kam ia ka jingiatreilang ha pdeng ki paidbah bad ka sorkar na ka bynta ban kyntiew ia ki samla pule ha ka jylla.

Ha kane ka sngi u Cornad u la pynpaw ruh ia ka jingsngewdiaw ka jong u ia ka jingduna ki samla ba pass ha ka Matrik, ban pynshlur ia ki samla bad ia ki nonghikai ba kin shim khia ia ka kam ka sorkar ka ia leh ban pynioh ia ki iing skul kiba kham bha ban kyntiew ia kai samla pule ba kin leh bha.

U Conrad u la ong ba kane ka sorkar MDA kaba la ialam da ka NPP ka kala shim khia ban wanrah ia ka jingkylla ha ka pule puthi da kaba pynioh ia ki skul kiba bha sha ki nongkyndong. La pynkynmaw ba khyndait jong kane ka skul la tei da ka jingbei pisa na ka MP skhim ha ka por u kpa jong u u P A Sangma bam kwai ha dwar u blei.

 

 

 

What Next?

Recent Articles

Leave a Reply

Submit Comment

*