Ia ka “Political Map” ka jylla Meghalaya la dep dro ha u snem 1980:Kyrmen

Shillong, Iaiong 05: U myntri ba dei peit ia ka tnad iada mariang, u Bah Kyrmen Shylla haba jubab ia ka jingkylli kaba la wanrah da ka Dr Ampareen Lyngdoh, u la ong ba ia ka Political Map jong ka jylla Meghalaya la dep ban dro ha u snem 1979-1980 bad kane ka map ka don.

Haba ia dei bad ka jingslem, u la ong ba ia ka jylla Meghalaya la ioh ha u snem 2972 bad ha u snem 1975 la phah ia ki ar ngut ki ophisar ban leit shah hikai sha bar ka jylla bad kila wan phai ha u snem 1977 bad kine kila pyndep iaka jingdro ia ka map ha u snem 1979-1980.

Na ka liang jong u myntri rangbah ka jylla u Conrad K Sangma haba jubab ia ki jingkylli bynrap, u la ong ba ka jylla ka don ia ka political map bad ha ka juh ka por ka jylla Assam ruh ka don ia ka political map bad dei na kane ka daw ba sa mih ki jingiakam pud ha pdeng kine ki ar tylli ki jylla.

Ki jaka kiba don ha dpeng ka jingiakam ia ki jaka mar kylliang ha pdeng ka jylla Assam bad kajylla Meghalaya baroh ki don 12 tylli ki jaka, haba ia dei bad kane kajingiakam pud hapdeng kine ki ar tylli ki jylla wad ka sorkar pdeng ruh kala tuklar ia kane ka kam ha kaba kala thung ia ka Chanda Chuk Kommittee ia kaba ka jylla kam shym la pdiang.

U myntri ba dei peit ia ka tnad iada mariang u la iathuh hapoh ka iing dorbar ba ki 12 tylli ki jaka kiba don ha ka jingiakam kaba mar kylliang ha pdeng kine ki ar tylli ki jylla ki long ka, Tarabari, Ziza, Hahim,Langpih, Baridua, Baklapara, Nongwah Mawtomer,Kherapara, Pilingata,Desdomrait, Block I, Block II,Khanduli,Pisiar bad Ratachera.

What Next?

Recent Articles

Leave a Reply

Submit Comment
*