Ia ka Reservation Roster dei ban pyntrei kam nangne sha khmat kwah ka Congress

Shillong, Jymmang 27: Ki nongïalam jong ka seng Congress ki la mih sha khmat ban pynpaw ïa ka nongrim jong ka seng da kaba shai ha ka ba ia dei ka Reservation Policy bad ruh halor ka Roster System.

U MLA ka Congress Ka Mawhati, u bah Charles Margnar ha Congress Bhavan u la iathuh ba ka seng ka sngewkhia halor ka long ka man jong ki paidbah bad ruh halor ka lawei jong ki samla ka jylla.

U la pynpaw ia ka jingsngewkhia ia kane ka mat ba ki ba bun balang ki la pynpaw kata ban pynbiet noh ia ka reservation policy bad ruh halor ka roster system.

Haba ïadei bad ka jingong ki ba bun balang ba ka seng Congress ka sngap jar halor kine ki mat, u bah Marngar u la ong, “ Ka Congress kam shym la sngap jar halor kine ki mat naduh ba sdang ka shim ïa kine ki mat ban iatai sani bha. Hadien ba ka sorkar ka la khot ha ka all party meeting ngi la leit bad ïashim bynta.”

Ka seng Congress kat kum ka jingïathuh jong une u nongïalam ka ïeng skhem ba ïaka roster system dei ban pyntrei kam nangne sha khmat ym ban pyntrei kam naduh ba ïoh ïaka jylla kata naduh u snem 1972.

U la kren shai ruh ba ka Congress kam shym la kyrshan ïaka sorkar ne don lang hapoh ka sorkar ba la lamkhmat da ka National People’s Party (NPP).

“Haba ka sorkar ka ïathuh ha ka 19 tarik u Jymmang ba kin thaw ïa ka Komiti ban peit bniah ïa ka jingpyntreikam ïa ka Roster system, ngi la pdiang ïaka”

U la bynrap da kaba ong ba ka Congress la bun sien ka la ïakynduh ban ïakren halor kine ki mat, wat haduh ba ki la thaw da ka komiti ban peit bniah ïa ka Roster system bad ka Reservation Policy.

“Kane ka komiti kaba kyrpang kan ïathir sani halor kane ka mat bad ka seng kan sa pynbna paidbah bad pynsngewthuh ïa ka nongrim ba ka seng Congress ka ïeng”

Haba ïadei bad ka jingkynthoh ba ka Congress ka shim por ban pynbna paidbah ïa ka nongrim ba ka ïeng halor ka roster system, u MLA ka Mawhati u la ong ba ki shim por namar kane ka mat ka long kaba hap ban bishar bniah bha bad ka bym long ban shu rai kyrkih kyrkih.

“Ngim kwah ban shim rai kyrkih namar ngim kwah ba ngin sa babe hadien bad ban buh jingeh ïa ki paidbah hadien habud,” ong u bah Margnar.

Ha ka juh ka por halor ka Reservation Policy, u la ong mynta la 50 snem ba kane ka policy ka la jynjoh. “Ngi sngewthuh ïa ka jingeh kumba ki wei ki sngewthuh. Ngi don ka juh ka jingsngew kum ki wei pat,” u la ong.

U la bynrap ruh ba kano kano ka policy lah ban peit bniah ha man la ka 10 snem, kynthup ïa ka Reservation Policy. U la kyntu ïa baroh ki nongshong shnong ka jylla ba kim dei ban sngewthuh bakla ïa ka seng Congress bad ban shah ïalam bakla hano hano.

“Ka Congress ka ïeng skhem ha ka nongrim bad kan ïai ïeng na ka bynta ki paidbah jong ka jylla baroh ka wei,” u la bynrap.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet