Shillong, Rymphang 08: U myntri kam poh iing jong ka sorkar jylla u James K Sangma mynta ka sngi u la iathuh ba ka kabinet kaba la shong mynta ka sngi kala shim ia ka rai ba ia ka surok na Mawlai Mawroh kaba iaid lyngba ka Mawtwar ter ter haduh ban da poi sha Madan Mawkhar ha jan umroi Air port la ai kyrteng sha ka Mother Theresa.
La aithuh ruh ba ka kabinet kala shim ia ka rai ba ia ka madan Dikki kaba don ha Tura la ker kyrteng noh da ka P A Sangma Stadium, la ong ba kane ka dei ka jingdawa jong ki paidbah namar ia kane ka stadium kaba bun ka pisa la tei ha ka por ba u PA Sangma u la long u MP.
Nalor kitei ki kyrteng kila don kiwei ruh ki jaka kiba ka sorkar kala jerkyrteng thymmai kiba don ki hap hapoh jong ka Laban, bad kawei ka Laitumkhrah.
Ha kane ka kabinet kaba la long mynta ka sngi la pdiang ruh ia ka jingpynkylla ha ka Meghalaya State Victims Compensation Scheme, ha kane ka skhim mynhuswa ia ki khynnah shynrang kam shem la kren ei ei, hynrei mynta la pynrung ruh ia ka ktien khynnah shynrang, kino kino kiba shah leh beijot mynta la lah ban ai jingiarap.
