Shillong, Iaiong 04: Ka jingthep jong u slap ha ka miet sngi blei baroh shimiet haduh ka step sngi Nyngkong mynta ka sngi kala wan wah ia ka jingtwa khydnew ha kiba bun ki bynta jong ka East Khasi Hills District, ha kane ka jingjia kam shym don kano kano ka jingjia kaba sngewsih.
Ka kynroh jong ka Wahumkhrah ha shiliang ka ing dorbar shnong Wahingdoh kala khyllem bad kane ka kynroh ka dei kaba ka shna ha kine ki khyndiat snem kiba la dep bad kane ka jingtwa kane ka kynroh kala jia ha ka por shiteng miet jong ka miet sngi u blei.
Ka jingtwa kaba jubor ka dei ha ka surok Shillong Dawki bad ka jingtwa ka dei ha Ryngain kane ka jingtwa kala kham bun namar ka jingtwa ka lum ha kane ka jingjia la ong ba kala jia mynta ka sngi ha ka por mynstep ha kane ka jingjia kam shym don kano kano ka jingjia kaba sngewsih.
Kane ka jingtwa kala ktah ia ka leit leit ka wan jong ki paidbah kiba hap ban leit lyngba kane ka surok, na ka liang iong ki bor jong ka District Administration ka East Khasi Hills kila shim khia ba ha ka por jan miet mynta ka sngi la lah ban pynlait biang ba ki kali kin iaid na kane ka surok.
Ka Deputy Commissioner jong ka East Khasi Hills District kala pyntip ba la lah ban pynlait ia kane ka surok Shillong Dawki ba kin iaid ki kali ha dien la lah ban pynkhuid ia ka khyndew bad la weng ia ki maw kiba la hap hapoh kane ka surok na ka daw jong ka jingtwa mynta ka jan miet.
