Ia kane ka sorkar bala ialam da u Conrad ka dei kaba pyniaid da ka BJP kynnoh u Dr Mukul

Shillong, Risaw 02: U Nongialam ka liang pyrshah u Dr Mukul Sangma, mynta ka sngi u la ong ba ia kane ka sorkar bala ialam da u Conrad K Sangma ka dei kaba la pyniaid da ka seng BJP bad ia kane la iohi naduh ka sngi ba u bam smai kum u myntri rangbah ka jylla.

Haba ia kren bad ki nongthoh khubor mynta ka sngi ha iing sah jong u, ha kaba la don lang u Bah M Rapsang MLA ka Mawprem bad u Bah D Pyngrope MLA ka Sohryngkham, u la ong ba kala paw shai kdar ba ia kane ka sorkar la pyniaid da ka BJP, na ka jingpynmih ia ka jingpynbna ban khang otdoh Masi ha ka sngi lehniam Barkid.

La ong ba ia kane ka juh ka jingpynbna ha ka por ba u long kumu myntri rangbah, ym shym la shah ban pyntrei kam ha kane ka jylla, hynrei ha kane ka kynti kaba mynta la phah ia kane ka jingpynbna sha baroh ki DC bad ki SP jong ka jylla.

Halor ka jingkam jong u myntri ka sorkar pdeng u Nitin Gadkari ha ka jingwan jong u ha Shillong ha kine ki sngi ba la dep ba la sorkar pdeng kala mang pisa na ka bynta ki skhim ban shna surok, u Dr Mukul u la ong ba kam don wat tang kawei ruh ka skhim thymmai haei kita ki skhim u la kylli.

Kiba u pynbna dei tang ki surok ba rim ba la mang da ka sorkar NDA ia kaba kane ka sorkar BJP haduh mynta kam pat pyntrei kam ha kane ka jylla. U la ong ba bun na ki skhim kiba dei lyngba ka NEC, wat ia kiba la dep ban pynlait pisa ruh la phah pynsangeh hana ba dang pynbeit iaki kyndon thymmai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet