Shillong, Nailur 22: Mynta ka sngi ka seng samla pule ka Khasi Student’s Union (KSU) ka shnat kaba don hapoh ka skul bah NEHU kala pynlong ia ka jingiakhih halor ki hynriew tylli ki mat jingdaw kaba kila ai da ka dorkhas mynta ka sngi.
Ki hynrei tylli ki dorkhas kaba kila ai sha u Vice Chancellor ka skul bah NEHU ka seng samla pule KSU ha ka dorkhas kaba kila ai mynta ka sngi kala kdew ba hapoh ka skul bah ki nonghikai ki duna bad la kyntu ia u VC ba pyndep ia kine ki shuki ba lait namar ka ktah ia ki samla pule.
Ha kane ka dorkhas la kdew ba na ki 12 tylli ki bus kiba iaid mynta ban kit ia ki samla pule ki don tang 7 tylli, kane ka jingduna ki bus kala pynlong ba ki samla pule kin hap ban shong khapngiah.
Haba phai sha ka lat jingsumar hapoh ka jaka ai dawai ha NEHU kam don dawai bad kane ka pynlong ia ki samla pule haba ki pang shitom ki hap ban marah sha bar ka skul ban ban thied dawai.
Haba ia dei bad ki jaka sah ki samla pule, kiba dang don ha pdeng ka jingmaramot mynta kala buh ia ki samla ha ka jingeh bad bun ki hap ban sah ha ki hotels bad kane ka ktah ia ka jingpule jong ki samla.
Ka KSU kala kdew ruh ba ka don ka jingeh ia ki samla pule kiba apply ia ki syrnot jong ki, ka jingbym ioh kloi kala buh ia ki samla pule kiba na shabar ka sor Shillong ha ka jingeh ha kaba ki hap ban wan bun sien ban ioh ia ki syrnot ka jong ki bad kane ka ktah ia ki.
Ka NEHU ka dei ka skul bah jong ka sorkar pdeng bad ka juh pynlong ia ki eksamin kiba bun jait, ban iaid beit kikam ka KSU ka dawa ba dei ban thung noh ia ki nongtrei ba pura, ban maramot noh ia ki bus, ban pynbiang ia ki dawai, ban pynbiang ia ki dawai,ban pynthikna ia ka jingtrei kam ki nongtrei baroh.
Ka KSU kala dew ba dei ban thung ia u Pro Vice Chancellor da u ban a Meghalaya ba la tbit ha ka kam, ka skul bah ka dei ban ai ia ki jingdaw ka NEHUNSA bad ban pynkhlian ia ki kor ki bor katkum kane ka juk kaba mynta ban pyniaid beit ia ki eksam kiba pynlong da ka skul bah.
