Shillong, Jylliew 27: Mynta ka sngi ka Meghalaya Pradesh Congress Committee (MPCC) kala pynlong ia ka jingiakhih pyrshah ia ka skhim Agnipath kaba ia dei bad ka skhim kiba apply ia ka kam shipai ryngkat ka Mahila Congress ha Congress Bhavan Shillong.
Kane ka jingiakhih kaba kila pynlogn mynta ka sngi ka long ba ka party Congress ka ieng ryngkat bad ki samla jong ka Ri ban iada ia ka hok ka jong ki ha kaba ia dei bad ka jingapply ha ki kam shipai.
Ha kane ka jingiakhih mynta ka sngi ka seng Congress kala pyrta ba ka sorkar BJP ka dei ban pynduh noh ia kane ka skhim Agnipath namar kane kan ktah ia ka jingiada ia ka jingshngian jong ka Ri la kynnoh ka party Congress.
Na ka liang jong ka seng Congress kala ong ban ai jinghikai tang hynriew ia ki briew ban iakhun ha ka thma kam pat biang bad ban phah ia ki sha ka thma kiba la ioh ia ka jinghikai tang hynriew ka long kaei kaei kaba ym pat lah ban pdiang.
Ka Party Congress ka pynpaw ia ka jingsngewsih ban iohi ba ha kum kane ka por ba ka Ri China ka pyrshang ban pynthud ha kaba ia dei bad u pud u sam jong ka Ri, kane ka sorkar kaba mynta pat ka wan rah ia kum kane ka skhim kaba ym pat lah ban pdiang.
Halor kane ka skhim na ka liang jong ka Congress ka kynnoh bal eh se kala don ka jingdkhoh ha ka jingtrei kam ha ka sain pyrthei ban wanrah ia ka jingsngew jong ki briew kila pynlong noh da kane ka kam Agnipath ba ki briew kin klet ia kiwei ki kam, la ong u Sanjay Das General Secretary ka MPCC.
