Shillong, Jymmang 21: Ki Nongtrei sngi jong ka skul bah haka jylla ka North Eastern Hills University kiba don hapoh lama jong ka All NEHU Casual Workers Union ki la pynlong ia ka jingiakhih kaba jai jai hakhmat ka khyrdop jong katei ka skul bah ha ryngkat da kaba rah iaki plakat kiba la thoh iaki kyntien jingdawa naka sorkar ban ithuh noh ia ki kum ki nongtrei ba pura ka skulbuh.
Haba kren shaki lad pathai u president jong kane ka kynhun u bah Napoleon Mawphniang u la ong ba katkum ka ain kino kino kiba trei kum ki nongtrei sngi palat ia ka 10 snem kila dei ban ioh ia ka jingithuh kum ki nongtrei papura,hynrei ki don kiba la trei la 30 snem ruh kim pat ioh. Haba ia dei bad kane kila dep ban ai ruh da ka jingthoh sha ki bor ba halor hynrei kim shym leh ei ei haduh mynta.
Hynrei hangne kiba bun hi kidei kiba lah trei palat ia ka 30 snem kaba ki khlem ioh satia ia ka jingithuh kum ki regular staff. bad u la ong ruh Hynrei kiba ioh jingithuh bun hi ki briew kiba nabar bad kiba ia ithuh ithaw bad ki heh ki hain ka NEHU bad ki don kumba 600 tam kiba trei sngi kibym pat ioh ia ka jingithuh.
U president ka ANCW u bah Mawphnaing la ong ba mynta ka sngi ka dei ka sngi ba wan u myntri ka sorkar pdeng kim kwah ban iakhih hapoh ka skul bah, kila pynlong ia kane ka jingiakhih kaba jar jar sha bar jong ka phyllaw jong skul bah, la ba ha dien ka 29 tarik mytna u bnai kin sa pynlong ha poh ka skul bah ia ka jingiakhih.
