Shillong, Nohprah 14: Ka jingdawa Khasi Jaintia State ka party HSPDP myta ka kynti kala kiew sha nongbah Delhi da kaba pynlong ia ka jingshong kyllain mungor ha Jantar Mantar ban pynsngew sha ka sorkar pdeng ia kane ka jingdawa.
Kane ka jingiakhih shong kyllain mungor kan long na ka bynta ka ar sngi, ia kane ka jingiakhih la ialam da u president ka seng u bah K P Pangniang bad kumba 30 ngut ei ei ki nognkit kam ka party kila ia poi lang ban ia shim bynta ha kane ka jingiakhih.
Ha katei ka jingiakhih kila pyrta “Ngi Dawa Khasi Jaintia State, Khlem Khasi Jaintia State ki nym shong thiat” ia kane ka jingiakhih la pynlong ha ka kyrteng jong ka National Federation for New State kane ka jingiakhih kan long ar sngi.
Hapoh kane ka NFNS kiba la ia don lang ban dawa ia la ki jong ki jylla ki long, ka Gorkhaland, Tipraland, Bodoland, Garoland, Bundelkhand, Vidharbha, Khasi bad Jaintia, Karbi Anglong bad Dima Hasao Autonomous State, Kuki State.
Kine baroh kiba don lang ha katei ka kynhun kila pynlong ia kane ka jingiakhih kaba ar sngi ha Delhi ban dawa jylla la ka jong bad mynta ka sngi u President ka HSPDP u bah Pangniang u la ai da ka jingthoh sha u president ka NFNS ba kum ka party kan don lang ha kane ka kynhun.
