Ia ki Coke factory ha Shallang kiba la pyntrei kam khlem biang ki kot ki sla ka phah khang:DC

Shillong, Nailur 20: Ki bor jong ka District Administration jong ka  West Khasi Hills District kila phah khang lut ia baroh ki Coke factory kiba don ha Shallang ki bym biang ki kot ki sla katkum ka jingbthah jong ka Assembly Committee halor ka Environment.

Haba u SP News Agency u la ioh ban ia kren bad u Deputy Commissioner jong ka West Khasi Hills District u bah T Lyngwa ha lor ki Coke factory kiba la pyntrei khlem da don ia ki kot ki sla kiba biang la iathuh ba la dep ban phah khang ia baroh kito ki khlem pat biang ki kot ki sla.

Ban pynkynmaw ba ka Assembly Committee dang shem kala khot ia ka jingialang bad ha dien ka jingialang kala shim ia ka rai ba hapoh 14 sngi dei ban khang lut ia baroh kito ki Coke Factory kiba don ha Shallang kiba khlem pat biang ki kot ki sla bad ban leh ia kane la aiti ha ka District Administration ban leh ia kaba don kam.

Na ka liang jong Assembly Committee halor ka Environment shuwa ban kan khot ia katei ka jingialang bad ban pynmih ia katei ka jingbthah kala leit sha katei ka thain Shallang hapoh ka jingialang jong u bah SK Sunn MLA kum u  Chairman jong ka Committee.

 

What Next?

Recent Articles

Leave a Reply

Submit Comment

*