Ia ki draibar ba niah kali kamai dei ban pynduh ia ka laisen lada ki dih kyiad por niah kali: Saleng

Shillong, Nailur 30: U President jong ka party National Congress Party (NCP) u Saleng A Sangma mynta ka sngi u la thoh da ka shithi sha u myntri rangbah ka jylla u Cornad K Sangma ban ong ba ia ki draibar kiba niah kali kamai dei ban pynduh ia ka laisen lada ki dih kyiad ha ka por ba niah kali.

Haba kren ha ki lat pathai khubor u Saleng ong ba kane ka jingkylla ka bus MTC mynta ka sngi kaba la wanrah ia ka jingiap jong ki briew khamtam ia kito ki samla pule kiba dei kalawei jong ka jylla kila shuduh ei na ka daw jong ka jingdih kyiad u nongniah kali u la kynnoh.

U Saleng ba don lang ha kane ka sorkar MDA, ha ka shithi u la kdew shai ba dei ban jurip ia baroh kiba niah ia ki kali kamai da ka kor “Breathalyzer” bad ban bthah ba ka jingpynher sted ia ki kali haba niah dei ban don da ka pud.

Ka sorkar ka dei ban skhim khia ia kane ban pynthikna ba ki ba niah ia ki kali kamai kim dei ban dih kyiad ha ka por ba niah kali bad dei ban test bad lada ki dih kyiad por ba niah kali dei ban pynduh syndon ia ka laisen niah kali jong ki.

U Saleng u la ong ba ym juh iohi ba kan don ka kata ka jingjurip ia ki draibar ba niah ia ki kali kamai, ka sorkar ka dei ban leh ia kane, la juh iohi ia ka jingjurip ia ki draibar ban test la ki dihkyiad ne em, hynrei kane kam juh don ia ki kali kamai ba kit ia ki paidbah.

Haba ia dei bad ka jingkylli ka bus MTC mynta ka sngi ka sorkar ka dei ban shim ia ka jingkitkhlieh halor kane ka jingjia ha kaba bun ki mynsiem kila duh ei ia la ka jingim tang na ka daw jong ki nongniah bym don ia ka jingkit khlieh.

Ha ka shithi la kdew ruh ba sang ha kine ki khyndait sngi ar ngut ki briew kila duh ei iala ka jingim na ka daw jong ka jingniah thulmur ki draibar trok ia ki kali kit maw ha Purakhasia jong ka West Garo Hills.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet