Shillong, Nailur 13: U Myntri Rangbah ka jylla mynta ka sngi u la kren shai ba ia ki karkhana syang dewiong kiba la ioh jingbit na ka sorkar kan nym lah ban khang ia ki, kane ka jingkren ka long ha dien ba la don ka jingiaid paibah mynta ka sngi ha Jaintia Hills kum ka jingpyrshah.
U Myntri Rangbah u la kren shai ba lada ki karkhana syang dewiong kila ioh ia ka khyndew ban seng ia ka kartkhna na ki trai jaka, kala ioh ia ka jingbit na ka sorkar katkum ki kyndon kiba la buh ka sorkar kan nym lah ban khang ia ki, lada khang kan ktah ia ka jingbei pisa ha ka jylla.
Ha ka juh ka por u myntri rangbah ka jylla la ong ba lada don kiba tip bad lap ba ki don ki karkhana syang dewiong kiba pyniaid khlem ka jingbit na ka sorkar pyntip sha ka sorkar bad ka sorkar kan leh ia kaba don kam katkum ki kyndon ka ain.
Kane ka jingkren u mytnri rangbah ka long halor ka jingkylli ha kaba ia dei bad ka jingiaid paidbah kaba la long ha Jaintia Hills mynta ka sngi ban pyrshahia ka jingdon ki karkhana syang dewiong hapoh East Jaintia Hills District.
