Shillong, Nailur 03: Ha ka jingleit jong u myntri rangbah sha nongbah Delhi, u la ia kynduh ia u myntri khynnah ka sorkar pdeng ba dei peit ia ki kam pynroi sor u Hardeep Singh Puri ha ka jingiadon lang u Bah Hamletson Dohling myntri ka sokar jylla.
Ha kane ka jingiakynduh ka jingiakren ka long kham bun ha kaba ia dei bad ka rukom bei pisa ha kaba ia dei bad ka Smart City, ia kaba ka nongbah Shillong kala shah jied ia katei ka kyrdan.
Ha kane ka jingiakynduh la iakren ruh halor ka jingbei pisa kyrpang kaba 10% na ka 15th Finance Commission na ka bynta ka iew ha Laitumkhrah bad ka Iew ha Polo kiba don ha kane ka nongbah Shillong.
Na ka liang jong u myntri ka sorkar pdeng u la ai ka jingkular ban iarap na ka bynta ban pynbha ia ki jingdon kam jong ki paidbah ha kane ka jylla Meghalaya.
