Shillong, Lber 23: Ka KSU Jaiñtia Hills District Unit hapoh ka jingialam jong I Bah Albinus Lamurong (Asst. General Secretary ) ka la ioh ban ia kynduh bad ki heh jong jong GR Infrastructure Ltd (GRIL) ha ophis treikam jong ki ha Mynkre (Base Camp, East Jaiñtia ) ban pynbeit ia ki katto katne ki jingthoh bakla ia ki kyrteng ia ki shnong ki thaw , ki dong bad jaka bapher2 ba don ha ki signboard ba don shilynter u surok bah NH-44 hapoh East /West Jaiñtia Hills District.
Kane ka jingiakynduh baar ka long ka jingbynrap ryngkat bad ka jingthoh . Ha kane ka sngi la ioh ban ia kren ba u Safety Manager & Dy General Manager jong kane ka Kompeni bad la bthah ia ki ban pynbeit ia ki kyrteng bakla kum Kheleriat ha ka jaka ban thoh Khliehriat , Sonapur ha ka jaka Sonapyrdi , 8th mile ha ka jaka Phramer , Garampani ha ka jaka Saphai/Iooksi , bad kiwei de.
Ha ka jingiakren , kine ki heh ka kompeni ki la pdiang ia kine kiei2 bad ki la ong ban pyndep ia kane ka kam hapoh shibnai eiei namar ba ka shim por ban shon ia ki Signboard ba pyndait da ki Radium bad jngai ruh ka jaka shon ia ki shaduh Udaipur (Rajasthan ) bad nangta sa kiwei pat ki bynta ban pynieng ia kita ki signboard.
“Ka jingthoh bakla ia ki kyrteng Trai ka pynbakla ia shibun bad ktah ruh ia ka jingsngew jong kiba bun. Nangne shakhmat , ngim dei ban ailad ba ki briew na bar kin wan bad sin kyrteng ruh ia ki shnong ki thaw jong ngi kaba ngi Ngi sngew sarong . Lyngba kane ka jingiakynduh , Ngi kyrmen ba kan long kaba seisoh bad ngin iai buddien ruh lada don ki jingbakla hadien habud. Ha ka juh ka por , Ka seng ka kyntu ia ki para Ri ba kin long kiba husiar ha ka jingpynthoh bria ia ki kyrteng jaka ha ri Khasi Jaiñtia jong ngi “, la pynpaw I Bah Albinus Lamurong (Asst GS).
Ka KSU ka la ai jingmut ruh ia ki heh jong ka GRIL ban ia syllok ruh bad ki Rangbah shnong bad ki dkhot shnong bapher2 ha kaba iadei bad ki jingbymshai ia ki kyrteng jaka shwa ban buh ia kino2 ki signboard nangne shakhmat .
Ha kane ka sngi , la don lang i Samla Kwilnis Suchiang (GS ka Narpuh Circle ) bad Samla B. Kamar (Organising secretary JHDU).Kane ka long ka kyrwoh na i Kwilnis Suchiang (Publicity Secretary KSU JHDU)
