Ia kynduh ka kynhun ki kontraktor MeECL ia u myntri kam bor ding halor ki jingeh

Shillong, K. Lyngkot 20: ka Joint Action Committee, jong ki kontraktor bad kiba shallan tiar hapoh jong ka MeECL mynta ka sngi kila ia kynduh ia u myntri ba dei peit ia ki kam bor ding ban ia kren ia ki jingeh.

U bah H. Rumnong nongialam ka JAC ha ba kren ha ki lat pathai khubor ula ong ba ka jingia kynduh ia u myntri ki long halor ki ar tylli ki mat, ka Mawlai Sub-Station ha kaba ki don ki kontraktor kiba la ioh ia ki jingtrei naduh u snem 2019 ha kaba la ai ia ki jingtrei ha u Risaw 2019, hynrei ha u 3th Lber 2020 ia ki kot jingtrei kiba la ioh la wengnoh. Ka jingtrei kaba la dep kala kot sha ka T. 2.46 klur tyngka.

Ka rai bala shim da ka MeECL ka long ka jingleh don bor khlem da pyrkhat ban shu wengnoh ia ki kot jingtrei bala ai Kane ka jingleh ka long beain bad ka bym lah ban pdiang ia Kane ka jingleh ka MeECL. Halor Kane la kyntu ia u myntri kam bor ding ba wengnoh ia ka hukum ban pynim biang ia ki jingtrei.

Kaba ar ka long ba ha MeECL ki don 251 ngut ki register supply, ki don 400 tam ki kontraktor bad ki don kumba 500 ki electrical kontraktor, kine baroh ki trei shitom ha la ki jong ki jong ki bynta kham tam ban peit ia ka jingiaid beit ki kam hapoh ka MeECL.

Ka long kaba sngewsih ban iohi ba ha kine ki sngi la pyniaid ban ai sha ki kompeni bad ki kompeni pat ki ai kylla sha ki local kontraktor namar dei ma ki kiba tip ia ki jaka.

Na ka liang jong ka JAC kila shim ia ka rai la kin ia treilang ne em bad ki kompeni ban ia treilang ne em, ia Kane kin sa ia pynbeit hapoh kine ki khyndiat sngi.

Haba ia dei bad ka jingkular jong u myntri ka dei ka jingkular kaei kaba ki kwah ban iohi ia ka kam, na ka jingia kren ka paw ba u myntri kam bor ding u James K Sangma ymtip ei ei. Kaei kaba ka kynhun kala ai jingtip sha u myntri ba yn peit.

 

What Next?

Recent Articles

Leave a Reply

Submit Comment

*