Ia kynduh ka Political Affair Committee ka NPP, iakren halor ka MP bad MDC ilekshon: Conrad

Shillong, Naiwieng 29: Ka political Affair Committee (PAC) jong ka National People’s Party (NPP) mynta ka sngi kala ia kynduh ha kaba u National President jong ka party u Cornad K Sangma kum u nongialam bad kiwei ki dkhot kiba la don ki long u Dr W Kharlukhi president jong ka NPP Meghalaya State Unit, Deputy Chief Minster u bah Prestone Tynsong, bad u Myntri ba dei peit ia ka tnad kam kit kam bah u Bah Sniawbhalang Dkhar.

U National President u Conrad K Sangma haba kren ha ki nognthoh khubor u la ong ba ka jingwan jong ki sha ka ophis jong ka party ka long ba ki myntri sorkar ki dei ban poi sha ka ophis jong ka party khnang ba ki lah ban ia kynduh ia ki nongtrei jong ka party ban don ka jingiajan hapdeng ka sorkar bad ki nongtrei jong ka party.

La iathuh ruh ba mynta ka sngi ka la don ka jingiakynduh jong ka Political Affair Committee ha kaba ki la ia kren kumno ban pynkhlain ia ka party bad ha kane ka sngi kila don ruh ki riew rangbah kiba dei ki MLA bad MDC barim kiba la wan ban pyniasoh sha ka party ia kaba la pdiang mynta ka sngi.

Ha kane ka jingiakynduh mynta ka sngi kila ia kren ruh na ka bynta ka ilekshon MP sha ka Lok Sabha bad kum juh na ka bynta ka MDC ilekshon ha kane ka jylla Meghalaya, hyrnei kim pat shim ia kano kano ka rai ka dang long tang ka jingiakren, ka jingiakren kaba kham bun ka long ban pynkhlain shuh shuh ia ka party.

Haba ia dei bad ka jingshah kynnoh jong u wei na ki nongialam jong ka party ha kaba ia dei bad ka jingjia ha Sohshrieh, namar ki briew ki ioh ia ka jingtip tang na ki lad pathai khubor, na ka liang jong ka party mynta ka sngi kala pynshai sha ki nongkit kam jong ka party ia ka nongrim kaba ka party ka ieng bad halor ka rai jong ka sorkar ba kala thung ia ka kynhun tohkti kaba laitluid halor kane ka jingjia.

Ka nongrim kaba ka sorkar ka ieng, kala long kaba shai bha ha kaba umyntri kam poh iing u la dep kren hapoh ka iing dorbar, ba kampher u dei na kaei ka party ka ain kan leh ia kaba don kam bad lada ki sabut ki long kiba biang kin sa leh ia kaba dei ban leh bad ki pulit kin leh ia kaba don kam.

What Next?

Recent Articles

Leave a Reply

Submit Comment

*