Shillong, Nailur 06: Mynta ka sngi kala don ka jingiakynduh ki “Chief Forest Officer” jong ki lai tylli ki District Council, ka KHADC, JHADC bad ka GHADC. Kane ka jingiakynduh ka long mynta ka sngi ha ophis jong ka KHADC.
U Executive Member ba dei peit ia ka tnad khlaw jong ka KHADC, u Bah Victor Ranee u la iathuh ba mynta ka sngi ki CFO jong ki lai tylli ki District Council kila ia kunduh ha Shillon ban ia mit jingmut ha kaba ia dei bad ka jingthmu jong ka sorkar pdeng ban wan rah ia ka jingpynkulla ia ka Indian Forest Act.
Haba ia dei bad kane u Bah Ranee u la iathuh ba kan don ka jingiakynduh jong Executive Committee ha ka 10 tarik mynta u bnai ban ia kren hapoh ka EC ha kaba ia dei bad kane ka jingthmu jong ka sorkar pdeng bad ha ka EC kin sa shim ia ka rai ha kaba ia dei bad ka jingai jingmut ba kin phah sha ka sorkar pdeng lyngba ka sorkar jylla.
Haba ia dei bad kane na ka liang jong ka KHADC kala khot ia ki jingialang ha kine ki sngi ba la dep ban ia mir jingmut ban ia kren halor katei ka jingthmu jong ka sorkar pdeng bad ka thaw ruh ia ka Committee kaba kyrpang ban peit bniah halor katei ka ain.
