Ia kynduh ki IAS ophisar ba dang shurung kam bad u Bah John Kharshiing

Shillong, Nailur 27: Ha ka jingialang ka jingiasyllok bad ki san ngut ki officer IAS kiba dang don ha ka jingshah hikai na ka kynhun Assam – Meghalaya Cadre  2016 kiba dang shu rung kam kum ki IAS Officer hapoh ka  Assam – Meghalaya Cadre ki la ioh ban ia syllok bad u Bah John F Kharshiing, Chairman, The Grand Council of Chiefs of Meghalaya bad Ka Dorbar Ki Khlieh Nongsynshar ka Ri Hynniewtrep, ban ai jingkren bad ka jingshai halor ki jingsynshar tynrai Dorbar Kur, Dorbar Shnong, Dorbar Raid, bad Dorbar Hima.

Ha katei ka jingialang ba la pynbeit da ka office MATI , kitei ki Officer IAS kiba dang shu rung kam ki la sngewtynad ban iohsngew ba don kum kitei ki jingshynshar kiba dang iai don hapoh ka jylla. Na ka liang u Bah John F Kharshiing, u la pynshai ba haduh kine ki sngi ki jingsynshar tynrai kim paw dur lane kim don jingithuh hakhmat ka Constitution Ri India, kumba ki MP ki don ka Parliament, ki MLA ki don ka Assembly bad ki MDC ki don ka District council.

U la ong ba ka jingialeh ka long ban pynsngew sha ki bor Ri India ba ki dei ban pyndep ia ki jingkular ki jingiateh kumba la kular hapoh ki kyndon (Instrument of Accession bad Annexed Agreement 17 Aug 1948 kaba la pdiang da ka Sorkar India. u la pynpaw ba haduh kine ki sngi ki don ki jingiakhih namar ba sah teng kitei ki jingiateh ki jingkular. U la ong ba hadien ka jingiatur ki Khlieh Nongsynshar halor kane ka IOA & AA.

Ki bor Sorkar India ki la thoh shithi sha ka Sorkar Jylla bad ia kaba ka Sorkar Jylla ka la phah teng sha ki bor Khasi Hills Autonomous District Council (KHADC) ha ka 3 tarik August 2012 hynrei haduh kine ki sngi ki bor KHADC kim pat jubap sha ki bor Sorkar Jylla halor ka jingthoh jong ki Hima Khasi kiba la pan ia ka jingpynrung ia ka IOA & AA hapoh ka Constitution Ri India bad ba ka Ri India kan thaw da ka Schedule Khadlai kyrpang tang na ka bynta ki jingsynshar tynrai. La ia kren ruh halor ka Para 3, bad 12, jong ka Sixth Schedule.

Katei ka jingiakren ka jingiasyllok ka la neh jan ar kynta ha office Meghalaya Administrative Training Institute, mynta ka sngi. Katkum ka jingtip kitei ki IAS officer thymmai kin dang ia kren ia kynduh bad ki tnad sorkar jylla kiba bun.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet