Shillong, Naiwieng 15: Ki kmie ki kpa jong ki khynnah skul kiba phah skul hapoh ki skul shimet kiba don hangne hapoh nongbah Shillong ha ka sngi balang ki la pynlong da ka jing iakynduhlang hapoh Madan ialehkai jong ka Malki Sports Club kaba don hapoh ka shnong Malki na bynta ban iakren bad phylliew jingmut ia shibun ki jingeh kiba ki iakynduh ha kine ki sngi kiba mynta.
Bun na ki kmie ki kpa jong ki skul bapher bapher kiba don hapoh ka Nongbah ki la wan ban ia shim bynta ha kane ka jingialang da ka jingsngew khia ban pynpaw ia la kajong ka jingshem kaba ki iakynduh.
Kane ka jingialang da kawei ka jingmut ka la shim ia ka rai bad pynkha shisyndon ia ka Seng jong ki kmie ki kpa ka balah tip kum ka “All Meghalaya School’s Parents Association” bad lah ioh ruh ban jied ia ki nongkitkam bapher ha kaba ia ka kam President lah jied ia i Bah Banshai Marbaniang, Vice President Pradip Kumar Sharma, Genl.
U Secretary Bah Aloysius Papang , Asst. Secretary Bah Elbinstone Umyiap, Publicity Secy Bah John Sohtun, Treasurer Kong Carinthia Rani, Asst. Treasurer Kong E.S. Myrthong, Organising Secy Sunita Kakati, Bah Veeru Ranee, Kong Sushila Lama, bad ki Executive member.
Ka jingthmu ba kongsan naba la pynkha ia kane kaseng ka long kum shibynta ban peitngor bad bishar bniah ia ka rukom pyniaid jong ki skul lyngba ka pule puthi jong ki khynnah hapoh kane ka jylla khamtam ha kaba iadei bad ki skul shimet kiba long ka daw bah ia kiba bun. La ong u Bah John Sohtun nongai khubor katei ka kynhun.
