Ia kynduh ki nongialam ka Ri War mih ngi ia ka DC, kyntu ban shna noh ia ka jingkieng Pyrdiwah

Shillong, K. Lyngkot 14: Ki nongialam na ka Federation of Riwar Mihngi Local Dorbar (FORMLD) ba kynthup ia u Bah Peter D Rynjah, General Secretary, FORMLD, bad Bah John F Kharshiing, Adviser & Spokesperson, (FORMLD) ki la ia kynduh ia i Deputy Commissioner, East Khasi Hills District, Shillong mynta ka sngi 14 January 2021 por ar baje mynsngi ha jaka treikam jong i DC ha shillong ban ai ka dorkhast halor ka jingkmen ba ka Sorkar Meghalaya ba hadien 20 snem naduh ba ka Shnong Pyrdiwah ka la shah knieh teng ha ka 1April 2001 da ka jingwan tur ki ki shipai bangladesh mynta ki paidbah katei ka shnong ki ioh ia ka scheme surok kaban poi haduh hapoh shnong.

Hynrei ha ka juh ka por ka Federation of Riwar Mihngi Local Dorbar (FORMLD) ka pynpaw ia ka jingsngewkhia kaba jur bad kyrpad ia ka jingkhmih bniah da ki bor Sorkar ia ka jingtreikam ka jingshna ia ka surok bad jingkieng Pyrdiwah, kaba don hapoh Raid Mukertila, Hima Khyrim kaba dei ruh ka shnong kaba don ha khap Bangladesh namar ka dei ruh ka jingkieng bad surok kaban long ka lad jingiada ia ka jylla Meghalaya bad ka Ri India hi baroh kawei.

Kumta la pynsngew lyngba ka dorkhast ba ka long kaba kyrkieh ba ia kane ka jingtrei ban pyntikna ba kin ioh pyndep ha kine ki bnai rang kum shibynta ban wanrah ia ka jingshngai ia ka thain Ri War baroh kawei. ia katei ka shithi la phah lang sha ka office jong u Deputy Chief Minister, Meghalaya u Chief Secretary Meghalaya, u SDO Pynursla, u Syiem Khyrim, Sordar Raid Mukertila, Sordar Raid Mawshun, u Rangbah Shnong Pyrdiwah, bad sha u Contractor.

What Next?

Recent Articles

Leave a Reply

Submit Comment

*