Shillong, Naitung 08: Mynta ka sngi ki samla pule jong ka jylla Nagaland kiba dei na ka Paren District kila ia kynduh ia u Lat jong ka jylla Meghalaya u Ganga Prasad ha Raj Bhavan Shillong.
Ka jingwan jong ki samla pule na katei ka jylla sha kane ka jylla Meghalaya ka long shi bynta na ka jingialam jong ka 36-Assam Riffle ban wanrah ia ka jingiatylli hapoh jong ka Ri. Kane ka jingialam ka long ban leit ki samla pule na kawei ka jylla sha kawei pat ka jylla.
Ka jingthmu jong kane ka jingialam ia ki samla pule ka long ba kin sngewthuh ia ka jingdon ki briew bapher bapher ha kane ka Ri bad da ka jingiakynduh kan wanrah ia ka jingsngew jan para nongshong shnong ha kane ka Ri kaba khraw.
