Shillong, Nohprah 04: Mynta ka sngi kiba ha iing ha sem jong ka kong Agnes Kharshiing bad ka Amita Sangma hapoh ka jingialam jong u Bah John F Kharshiing kila leit ban ia kynduh ia u myntri rangbah ka jylla u Conrad K Sangma bad ai ia ka dorkhas halor ka jingshah shoh jong kitei ki ar ngut ha Soshrieh ha East Jaintia Hills District.
Ha ka dorkhas kaba la ai sha u myntri rangbah jong ka jylla kiba ha iing ha sem kila pynpaw ia ka jingsngewnguh ka jong ki ia ka jingiarap kaba ka sorkar kala leh na ka bynta jong kitei ki ar ngut kiba la shah shoh ha ki paidbah ha Sohshrieh.
Ha ka juh ka por kila pynpaw ia ka jingsngewnguh ba ka sorkar kala thung ia ka kynhun tohkit kaba laitluid ha kana ia dei bad katei ka jingjia, hynrei kila pynpaw ba kan long kaba bha lada ka sorkar kan ai ia kane ka kam sha ka CBI ban tohkit namar naduh ba khang tih dewiong kane kam dei ka jingjia kaba nyngkong.
Ha ka dorkhas la kdew ruh ia kiwei ki jingjia kiba la jia shuwa kane ha kaba u wei u pulit u la shah pyniap ha Jirang, ka jingshah pyniap jong u Poipynhun Mawjaw ba dkiwei kiwei de. Ban ioh kem ia ki riew sniew kala bha ban aiti sha ka CBI ban tohkit.
Ha kane ka jingiakynduh u bah John, u la ia thuh ba na ka liang jong u mytnri rangbah ka jylla u Conrad K Sangma u la shah skhor ia ka jingiarap ai kren bad u la ai ka jingkular ba ka ain kan nym map iano iano ruh kiba don kti kin shah pynshitom katkum ka ain.
