Shillong, Naitung 25: U Bah Pynshngain N Syiem Chief Executive Member (CEM) jong ka KHADC, u Bah Hedrian Lyngdoh EM, ryngkat u Bah Vincent H Pala kum u MP bad MP jong ka Tura u Conra K Sangma mynta ka sngi kila ia kynduh ia u Chairman jong ka National Highway Infrastructure Development Corporation (NHIDC) Limited ban ia kren halor ki surok ha kane ka jylla Meghalaya.
Ia kane ka kynhun la ialam da u MP jong ka Tura u Conrad K Sangma bad ha kane ka jingiakren na ka liang jong Mp jong ka Tura u la ia kren ia ki surok kiba dei sha Garo Hills kum ka NH-51 ha kaba ka jinglut kan long T.250 klur tyngka.
Ka surok NH-61 na Dalu sha Baghmara sha Siju ha kaba la pynkhreh ia ka skhim ha ka jinglut kaba T.950 klur tyngka, Katba ia ka surok na Ranikor sha Mahadeo bad Maheskhla kaba jrong haduh 129 km bad ka jinglut kan long haduh T.1200 klur tyngka.
Haba kren ia u CEM jong ka KHADC u Bah PN Syiem u la ong ba ia mynta kim pat kwah ban iathuh halor kane ka surok namar ka dang iaid ha ka jingiakren, haba la pyrhang ban phone ia u MP jong ka Shillong ban ioh aiu ki ia kren halor kine ki surok ha Khasi Hills kiba la wan rah ki jingpyrshah jur na ka liang jong ki seng bhalang ym shym la ioh lad.
