Shillong, Kyllalyngkot 25: U Bah Sanbor Shullai MLA jong ka BJP na 19-Shillong South u la ia kynduh ia u myntri khynnah ka sorkar pdeng u Kiren Rijju ba dei peit ia ki kam ialehkai ha nongbah Delhi.
Ha kane ka jingiakynduh u Bah Sanbor Shullai u la ia kren halor ka sain pyrthei hapoh kane ka jylla. Ha kane ka jingiakynduh u la kyntu ruh ia u myntri khynnah ka sorkar pdeng ban ai ka jingkyrshan ia ka jylla Meghalaya na ka bynta ka National Games 2022.
Ha kane ka jingiakynduh u la kdew shai ba lada ka sorkar pdeng kan ai ia ka jingkyrshan kan kyntup ruh na ka bynta ban pynbha ia ki jaka jong ki paidbah kiba hap hapoh jong ka Cantonment. Ha kane ka jingiakynduh la kyntu ba ka sorkar pdeng ka dei ban kyrshan na ka bynta ban kyntiew ia ki samla.
U Bah Sanbor u la ong ba lada ka sorkar pdeng kan ai ia ka jingkyrshan, kan long ka lad ioh kam ioh jam na ka bynta ki samla wad kam wad jam. La pan ruh ia ka jingkyrshan na ka party ban kyntiew ia ki samla jong ka 19-Shillong South Konstitwensi.
