Shillong, Kyllalyngkot 18: Mynta ka sngi ka Parliamentary Standing Committee (PSC) hapoh ka jinglong lamphang jong u Anand Sharma bad ka kynhun kala wan sha Shillong ban ia kynduh ia ki Autonomous District Council bad ki seng bhlang ka jylla halor ka jingthmu ban wanrah ia ka jingpynkylla ha ka khyrngit kaba hynriew ia kaba la ia tip kum ka Sixth Schedule.
Ka jingwan jong kane ka Kommittee jong ka iing dorbar thawain jong ka jylla sha Shillong ka long ban ioh sngew ia kaei kaba ki District Council, ki seng bhalang ki don aiu ban ong halor ki bynta ba ka sorkar pdeng kala dep ban pynkhreh ban wanrah ia ka jinngpynkylla ha ka Sixth Schedule.
Ha ka juh ka por ka long ban shim ia ki jingai jingmut na ki ADC bad kum juh na ki seng bhalang aiu ki dang don shuh ban ong nalor ia kaei kaba ka sorkar pdeng kala dep ban pynkhreh ha kaba ia dei bad ka jingpynkylla ia ka Sixth Schedule kumba ka long mynta.
Haba ki pat pathai khubor kila kylli hato un kren ne em sha ki lat pathai khubor ia kane ka jingwan ha dien ba la dep ban ia kynduh ia ki ADC bad ia ki seng bhalang, u lamphang jong ka PSC u Anand Sharma u la ong ba ia kane yn nym lah ban kren sha ki lat pathai khubor.
Ki katto katne ki seng kiba kham paw kiba la ia poi ban ia shim bynta ha kane ka jingiakynduh ia ka PSC nalor ki lai tylli ki Autonomous District Council ha kane ka jylla Meghalaya ki long ka, Federation of Khasi State kaba kyntup ia ki khlieh nongshnong synshar hima, ka Synjuk ki khlieh nongsynshar shnong kaba Bri u Hynniewtrep, kaba kynthup ia ki dorbar shnong.
Ki seng kiba kham paw ki long ka KSU, HYC, GSU, SRBKBH, HANM bad bun kiwei kiwei de kiba la shah khot ha kane ka PSC bad na ka liang jong ki baroh kila pynpaw ia la ki jong ki jong ki jingsngew ha kaba ia dei bad kane ka jingkwah ka sorkar pdeng ban pynkylla ia ka Sixth Schedule.
