Shillong, Naitung 18: U myntri rangbah ka jylla u Conrad K Sangma mynta ka sngi u la khot ia ka jingialang bad ki bor pyniaid jong ka East Khasi Hills District Administration ban ia mir jingmut kumno ban pynkhuid ia ki ar tylli ki wah ka Wahumkhrah bad ka Umsherpi.
Kane ka jingiamir jingmut ka long kumno ban pynlong ia ka nongbah Shillong kaba khuid bad ia kane ka thong ban pynkhuid ia ka sor Shillong la tip kum ka ‘Operation City Clean-Up’. Ha kane ka jingialang na ka liang jong ka District Adminstration la don ka Deputy Commissioner ka long M W Nongbri.
