Shillong, Nailar 29: U Myntri Rangbah ka jylla u Conrad K Sangm
a mynta ka sngi u la leit sha Sohiong ka konstitwensi jong u myntri ba dei peit ia ka tnad sam um u Bah Samlin Malgniang ban peit ia ka jingpyntrei kam ia ka skhim sam sum sha ki iing kaba dei na ka Jal Jeevan Mission (JJM).
Kane ka jingleit jong u myntri rangbah ka long ban peit ia ka jingpyntrei kam jong ka tnad sam um sha ki nongkyndong ha kane ka jingleit u myntri rangbah ka jylla u la ia kynduh markhmat bad kito ki long iing kiba la ioh ia kane ka skhim ring um sha ki iing jong ki.
Ha kane ka jingleit na ka liang jong u myntri rangbah u la pynpaw ia ka jingsngew kmen ka jong u ban iohi ba kane ka skhim kala trei kam bha bad na ka liang jong ka sorkar kala buh ia ka tong ba baroh ki long iing ha ka jylla kin ioh ia ka um sha ki iing ki iing ha ki nongkyndong ha u snem 2022.
U Myntri rangbah u la pynpaw ia ka jingsngewnguh ia u myntri rangbah duh jong ka Ri India u ba la kloi ban mang pisa na ka bynta ban ring um sha ki 2 lak tylli ki long iing ha kane ka jylla ha une u snem mang tyngka u ba mynta. Wat ha pdeng ka jingdon kane ka khlam COVID-19 ka tnad sam um kala trei bor bah ban pynpoi sha ka thong.
Ia kane ka skhim Jal Jeevan Mission la bei pisa na ka Ministry jong ka Jal Shakti, Government ka sorkar pdeng ban pynpoi ia ka umdih kaba khuid sha baroh ki nongshong shnong ha ka Ri ha u snem 2024 ha ki nongkyndong ha baroh kawei ka Ri India.
Ka jylla Meghalaya kala buh ia ka thong ban pyndep ia kane ka jingpynpoi Um sha baroh ki long iing sha ki nongkyndong ha u snem 2022. Ha kane ka sngi u myntri rangbah u la leit ban jngoh ruh ia ka Greater Shillong Water Supply skhim bad ha kane ka jingleit la ia kren bad ki ophisar ba dei peit kane ka jaka ringum.
