Ia kynduh u nongkit ktien ka ri France ia u Dr Jitendra ban ia treilang ha NE bad J&K

New Delhi, Naiwieng 21: U Ambassador ka France sha India, u Emmanuel Lenain u la iakynduh ia u Myntri Khynnah ba dei peit ia ka tnat Development of North Eastern Region (DoNER), PMO, Personnel, Public Grievances, Pensions, Atomic Energy and Space, u Dr Jitendra Singh bad ki ia iakren halor ki projek hapoh ka thain Shatei Lam Mihngi.

U Ambassador u la kynmaw ruh ia ka jingleit iuh kjat jong u sha Kashmir mynta u snem kum kawei na ki dkhot a kynhun jong ki Ambassadors kiba la leit khmih ia k aUnion Territory of Jammu & Kashmir.

U Ambassador u la pynpaw ha khmat u Myntri ka Sorkar Pdeng halor ka jingangnud ka Sorkar ka France halor ban iatreilang halor ki bynta bapher bapher hapoh ka thain Shatei Lam Mihngi bad kumjuh ha kaba iadei ban kyntiew ia ka kam jngohkai pyrthei ha Jammu & Kashmir.

Na ka liang u Dr Jitendra Singh u la batai bniah halor ki bynta hapoh ka jingialam u Myntri Rangbaduh ka ri, u Narendra Modi ba ki la pylleit jingmut ban kyntiew ia ka roi ka par hapoh ka thain Shatei Lam Mihgi.

Halor kane ka bynta, u la kren halor ka Centre of Excellence Citrus Fruit Park kaba ki la dep ban thaw hapoh Mizoram lyngba ka jingiatreilang bad ka Israel bad ka jingiatreilang bad ka Japan ha kaba iadei bad ki jingtei ha katto katne ki bynta.

Ha kaba iadei bad ka Northeast, u Dr Jitendra u la ong ba ki don shibun ki bynta ki bym lah ban kyntiew kaba kynthup ia ka kam jngohkai pyrthei, ka handicraft, handloom bad kumjuh ki kam kiba iadei bad ka bam bad ki soh ki pai.

U Myntri ka Sorkar Pdeng u la iathuh ba hapoh ka jingialam jong u Myntri Rangbahduh ka ri, u Narendra Modi ki la pylleit jingmut ban kyntiew ia ka thain Shatei Lam Mihngi bad kumjuh ki la pynkhreh ban pynkylla ia “Look East Policy” sha ka “Act-East” policy bad bun ki seinjam ba ki la shim ban pynkhlain ia ka jingiadei bad ki ha ki thain mihngi.

Halor kane ka bynta, u la kren ruh halor ka ka Indo-Bangladesh Agreement halor ka jingai markylliang ia ki jaka, kaba la dep ban mynjur lyngba ka jingshimkhia jong u Myntri Rangbahduh ka ri, u Narendra Modi bad kumjuh ka seinjam ban pynkylla ia ka ain kaba la 100 snem ka Indian Forest Act ban ia mynsiem halor ban pyniaid iew ia ki tiar kiba shna lyngba ki siej.

What Next?

Recent Articles

Leave a Reply

Submit Comment

*