Shillong, Jymmang 07: U nongra
h ktien jong ka Ri Japan sha India u Kenji Hiramatsu mynta ka sngi u la wan jngoh ia ka jylla Meghalaya bad ha kane ka jingwan ka jong u sha kane ka jylla u la ia kynduh ia u Lat jong ka jylla u Ganga Prasad ha Raj Bhavan Shillong.
Ha kane ka jingwan jong u nongrahktien ka Ri Japan sha India, u la thung ruh ia u dieng ha phyllaw jong ka Raj Bhavan ia kaba la tip kum u dieng Japanese Sakura. Kane ka long ban pynsah kynmaw ia ka jingwan iuh kjat ka jong u ha kane ka nongbah Shillong.
Ha dien ba la dep ban ia kynduh ia u Lat jong ka jylla na ka liang jong nongrah ktien ka Ri Jpan u la leit ban ia kynduh ruh ia u myntri rangbah ka jylla u Conrad K Sangma ha ophis trei kam kam jong u ha Secretarait.
