Ia soi ka jylla Meghalaya ia ka Host City Contract ban pynlong ia ka National Games 2022

Shillong, Kyllalyngkot 03: Mynta ka sngi kala don ka jingiasoi ia ka Host City Contract na ka bynta ban pynlBanker chequeong ia ka national games kaba  39th ha u snem 2022 hapoh ka jylla Meghalaya. Na ka liang jong ka Indian Olympic Association la mih khmat da u Rajeev Mehta, Secretary General, jong ka Indian Olympic Association, na ka liang jong ka sorkar Meghalaya la mih khmat da u  P.W. Ingty , Additional Secretary, Sports bad Youth Affairs bad na ka Meghalaya State Olympic Association la mih khmat da u bah John F. Kharshiing, Working President, Meghalaya State Olympic Association bad u  Chiranjib Choudhury, General Secretary, Meghalaya State Olympic Association.

Ha kane ka sngi la air uh ia ka Cheque kaba T.4.5 klur sha u Rajeev Mehta, Secretary General, Indian Olympic Association. Kane ka pisa ka long ban ioh pdiang ban pynlong ia ka national games ha kane ka jylla ha u snem 2022 ha kaba ka jylla kan rakhe ia ka jingdap 50 snem ha u tei u snem.

U bah RV Lyngdoh myntri ba dei peit ia ki kam pynroi sor ha ka jingkren jong u la kyrpad ia baroh ki paidbah jong ka jylla ban ia trei lang ban pynlong ia kane ka jingialehkai national games kaba 39 ha kane ka jylla kaba jop kaban long ha u snem 2022. Kiwei kiba la ia don lang ha kane ka sngi ki long ka kong Matsiewdor War Nongbri, Director Sports bad Youth Affairs, u Pravin Bakshi, Secretary, Sports bad Youth Affairs bad ki heh na ki tnad sorkar bapher bapher kila ia don lang ha kane ka sngi.

What Next?

Recent Articles

Leave a Reply

Submit Comment
*