Ia soi soskular ka GoM bad ka Goi ban buh jaka pyndap tyndong lyer ba 30000 ha Meghalaya

Union Minister and Dr MukulShillong, Nohprah 09: U myntri jong ka sorkar pdeng u ba dei peit ia ka  Petroleum bad  Natural Gas, u Dharmendra Pradhan, u la leit ban ia kynduh ia u myntri rangbah ka jylla u Dr Mukul Sangma ha iing sah jong u ha kaba kila ia soi ia ka soskular ia sngewthuh jingmut ban buh ia ka jaka pyndap tyndong lyer kaba 30000 ha kane kajylla ia kaba yn sa leh da ka Indian Oil Corporation Ltd during the meeting.

Haba kren ha ki nongthoh khubor ha ophis trei kam jong ka seng BJP ha dien kane ka jingiasoi ia ka Soskular bad ka sorkar Meghalaya na ka liang jong u myntri ka sorkar pdeng u la ong ba da ka jingiasoi ia kane ka soskular ka jylla Meghalaya mynta kan sa ioh ia ka jaka pyndap tyndong lyer kaba 30000 ha ka jylla.

Na ka liang jong u myntri u la ong ba ka jinglut ban buh ia kane ka jaka pyndap tyndong lyer kan poi sha ka T.75 klur tyngka, u la ong ba ka jaka kala dep ban don hynrei hap ban pynim biang ha ka. Na ka liang jong ka sorkar pdeng ka kwah ban iohi ba ki paidbah ka jylla ki dei ban ioh ia ki kam pynroi kaba ka sorkar pdeng ka leh na ka bynta ki paidbah, na ka liang jong ka sorkar pdeng ka kwah ban iohi ba ki paidbah ka jylla kid ei ban ioh ia ka tyndong lyer wad sha ki nongkyndong.

U la ong ba na pdeng ki jylla ka dong shatei lam mih ngi jong ka Ri India, ka jylla Meghalaya ka dei ka jylla kaba dune tam ha kaba pyndon ka ha ka shet ka tiew ia ka tyndong lyer, kiba pyndon kam ia ka tyndong lyer ha kane ka jylla ki long tang 27%. Ka sorkar BJP ka kwah ban iohi ba ki paidbah kane ka jylla ki dei ban kheit ia u soh jong ka roi ka par kaba la leh da ka sorkar pdeng kaba la ialam da ka BJP.

Haba phai sha ka election ka ban long ha kane ka jylla ha u snem 2018, ka BJP kan don ia ka bynta kaba khraw ha kaba thaw ia ka sorkar bad ka seng congress kan nym wan shuh ha ka bor bad ka sorkar thymmai kan sa wan.

La iathuh ruh ba ka jingwan ka jong u sha kane ka jylla ka long ban ia soi ia ka MoU bad ka kynhun shipai Assam Rifle ban ai ia ki jinghikai kaba kyrpang ia ki samla kane ka thain ha ka ioh kam ioh jam. U myntri u la ong ba ki briew kane ka thain ki dei kiba trei shitom, kiba long shida ha ka kam  bad kiba stad, hynrei don kam ban hikai dei na kane ka daw ba ka sorkar pdeng kala ia soi ia kane ka MoU bad ka kynhun shipai Assam Riffle ban hikai ia kine ki samla kane ka thain.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet